Aizaya 38:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke yena Hẹzikaya kọ mwọga ko muegbe re ughwu. Aizaya rẹ ọmraro na ọmọ ri Amọz de bro rhe, ọ da ta kẹ, Enẹ Ọrovwohwo tare: Rhuẹrẹ uwevwi wẹn phihọ, kidie wo che ghwu, wọ cha sa rhọ-ọ?

Aizaya 38:1 Referans Kwoze

2 Ikun rẹ Ivie 32:24

Vwẹ ọke yena Hẹzikaya da rhe mwo ọga ko muegbe rẹ ughwu, ọ da nẹ ẹrhovwo kẹ Ọrovwohwo; o de nyo kẹ ọ da vwẹ oka kẹ.

2 Samuẹl 17:23

Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Iruo rẹ Iyinkọn na 9:37

Vwẹ ọke yena kọ rhe mwọga o de ghwu; ọke rẹ ayen vwọ họ nu, ayen de muo phihọ ubruwevwi rọ hẹ obenu.

Jona 3:4

Jona da ro evun rẹ orere na, ọ da yan ẹdẹ ọvo kẹ ọke kpo. O de ghwoghwo, Chekọ ẹdẹ ujuvẹ, ka cha ghwọrọ Ninivẹ te otọ!

Aizaya 37:21

Etiyin Aizaya rẹ ọmọ rẹ Amọz de ji ohwo bru Hẹzikaya, tanẹ, Enẹ Ọrovwohwo tare, Ọghẹnẹ rẹ Izrẹl. Fikiridie wọ nẹ ẹrhovwo kẹ vwẹ kpahe Senakerib ovie rẹ Asiria,

Aizaya 37:2

O de ji Eliakim rẹ onotu rẹ evwruwevwi na, kugbe Shebna rẹ osiebe kugbe irherẹn rẹ ekpako na, re vwẹ esiso rhuo, kpo bru ọmraro Aizaya rẹ ọmọ rẹ Amọz.

Aizaya 1:1

Aroẹmre rẹ Aizaya ọmọ ri Amọz, rọ mrẹre kpahe Juda vi Jerusalẹm vwe ọke re Uzaya, Jotam, Ehaz kugbe Hẹzikaya, ivie ri Juda.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

2 Samuẹl 12:22

Ọ da ta, Ọke rẹ ọmọ na vwọ akpọ, mi chiri owẹvwe me da viẹ kidie me tare nẹ, a riẹnre-e Ọghẹnẹ me re ehrọre mẹ rẹ ọmọ mẹ na da rhọ?