Aizaya 36:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kẹnoma, Hẹzikaya da rha phiẹn wẹ ghwru rọ vwọ tanẹ, Ọrovwohwo na se sivwi avwanre. O vwo ẹdjọ rẹ egborho na ọvo ro sivwi otọ rọye nẹ obọ rẹ ovie rẹ Asiria na dẹvure?

Aizaya 36:18 Referans Kwoze

Aizaya 36:15

Wo ji Hẹzikaya ru we rere ọ vwẹ ẹro so Ọrovwohwo na-a tanẹ, Ọrovwohwo ghine se sivwi avwanre, e che phi orere nana phihọ obọ re ovie rẹ Asiria-a

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Aizaya 37:10

Enẹ wọ ta kẹ Hẹzikaya ovie ri Juda Wo jẹn Ọghẹnẹ wẹn ro wọ vwẹ ẹro so na phiẹn wẹ vẹ ive rọye nẹ e che se phi Jerusalẹm phihọ obọ rẹ ovie rẹ Asiria-a.

Aizaya 36:10

Ọ rọ marho, wo rori nẹ obuko rẹ Ọrovwohwo ọye me vwọ rhe otọ na rhe vwọ ghwọrọ na? Ọ dianẹ Ọrovwohwo re ta kẹ vwẹ nẹ, Yanran vwọ so otọ na, rere wọ ghwọrọ?

Aizaya 36:7

Ẹkẹvuọvo ọ da dianẹ wọ ta kẹ vwẹ nẹ, Avwanre vwẹ ẹro da Ọrovwohwo Ọghẹnẹ rẹ avwanre, ọ dia ọye ri vwo asan ro kpenu kugbe agbada ri Hẹzikaya kuare na, rọ da ta kẹ Juda vi Jerusalẹm nẹ, Enu rẹ agbada nana ọye ovwan da ga?

Une rẹ Ejiro 12:4

ayen otu re tanẹ, Ẹrenvwe rẹ avwanre me vwo phi kparobọ, ẹbẹrunu re avwanre rhe avwanre; kono onini re avwanre?

Aizaya 36:17

bẹsiẹ me cha vwọ reyọ ovwan yanran kpo otọ rọ họhọ otọ rẹ ovwan na, otọ rẹ ọka vẹ wain, otọ rẹ ikara vẹ ogba ri vain.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 37:11

Nighere, wo nyo obo rẹ ivie rẹ Asiria ru ke etọ ejobi na, rọ vwọ ghwọrọ ayen tototo. Ko wẹ ọye e ehe sivwi?

Aizaya 10:7

Ẹkẹvuọvo ọ reyẹrọ phihọ ọtiọye-e udu rọye ji roro ọtiọye-e; ẹkẹvuọvo o rori vwẹ udu roye nẹ ọye ghwọrọ rere ọ nyavwe irere buebu kufia,

Aizaya 10:11

Mi gbi rhe ru kẹ Jerusalẹm vẹ ẹdjọ rọye kirobo Mi ru kẹ Sameria vẹ ema rọye na te?

Izikiẹl 31:5

Ọtiọye na egrogro kọye o gro kpenu nọ irhe rẹ egbo na ejobi; eghọn rọye da rhe rhuoma abọ rọye de rhi gro, fiki rẹ amẹ buebu rọ hẹ awọ rọye.