Aizaya 36:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Wo ji Hẹzikaya ru we rere ọ vwẹ ẹro so Ọrovwohwo na-a tanẹ, Ọrovwohwo ghine se sivwi avwanre, e che phi orere nana phihọ obọ re ovie rẹ Asiria-a

Aizaya 36:15 Referans Kwoze

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Aizaya 37:10

Enẹ wọ ta kẹ Hẹzikaya ovie ri Juda Wo jẹn Ọghẹnẹ wẹn ro wọ vwẹ ẹro so na phiẹn wẹ vẹ ive rọye nẹ e che se phi Jerusalẹm phihọ obọ rẹ ovie rẹ Asiria-a.

Aizaya 36:7

Ẹkẹvuọvo ọ da dianẹ wọ ta kẹ vwẹ nẹ, Avwanre vwẹ ẹro da Ọrovwohwo Ọghẹnẹ rẹ avwanre, ọ dia ọye ri vwo asan ro kpenu kugbe agbada ri Hẹzikaya kuare na, rọ da ta kẹ Juda vi Jerusalẹm nẹ, Enu rẹ agbada nana ọye ovwan da ga?

Une rẹ Ejiro 4:2

E ihwo, mavọ ọ krite rẹ ọghọ mẹ vwọ re oja rẹ omaẹvuọ? Mavọ wọ guọnọ eta ifefe krite ru wo de nenesi rẹ efian?

Aizaya 36:18

Kẹnoma, Hẹzikaya da rha phiẹn wẹ ghwru rọ vwọ tanẹ, Ọrovwohwo na se sivwi avwanre. O vwo ẹdjọ rẹ egborho na ọvo ro sivwi otọ rọye nẹ obọ rẹ ovie rẹ Asiria na dẹvure?

Aizaya 36:20

Ọvo vwẹ usun rẹ ẹdjọ rẹ irho nana se sivwi orho rọye nẹ obọ mẹ, rẹ Ọrovwohwo vwo se sivwi Jerusalẹm nẹ obọ mẹ?

Aizaya 37:11

Nighere, wo nyo obo rẹ ivie rẹ Asiria ru ke etọ ejobi na, rọ vwọ ghwọrọ ayen tototo. Ko wẹ ọye e ehe sivwi?