Aizaya 35:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 35:2 Referans Kwoze

Aizaya 60:13

Urinrin ri Lẹbanọn ko bru we rhe, Te owangha te afon, te ubioriẹn, ke cha vwẹ erhuvwu vwọ keẹ ẹshẹ Mẹ, ki Mi ru asan Me ghwẹ awọ phihọ vwo vwo urinrin.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Ọbe ri Pọl si rhe Ihwo ri Rom 10:15

Komavọ ayen se ghwoghwo jokpa nẹ e ji ayen? kirobo re siro, mavọ awọ rẹ ayen otu ri ghwoghwo iyẹnrẹ esiri na yovwi te!

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Iyẹnrẹ Esiri ri Jọn 17:24

Ọsẹ, me guọnọre nẹ ayen rhe, re wọ vwọ kẹ vwẹ na, vẹ ovwẹ dia asan re me epha, re mrẹ urinrin mẹ re wọ kẹ vwẹ vwẹ ẹguọnọ ru wọ vwọ kẹ vwẹ tavwe ra ke ma akpọ na.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 60:19

Ọnre gbe cha dia urhukpẹ wẹn vwẹ ogheruvo-o, eyẹ elo rẹ emeranvwe gbe sa kẹ wẹ orẹmrẹ vwe aso-on, ẹkẹvuọvo Ọrovwohwo kọ dia urhukpẹ wẹn bẹdẹ, Ọghẹnẹ wẹn kọ dia urinrin wẹn.

Aizaya 33:9

Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

Solomon 7:5

A vwẹ erhu rẹ ovie tughẹ uwe kerẹ Karmẹl, Ẹton wẹn rọ epha jigbọ na họhọ orhurhu; ẹton re ovie re muru oghuvwu re chahe ku.

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Une rẹ Ejiro 72:16

E jẹn ọka buebu dia otọ na; vwẹ enu rẹ igbenu na etiyin i de kpogho; e jẹn emamọ rọye dia kerẹ Lebanọn; e jẹn ihwo varhe gbọdọ gbọdọ ne irere na rhe kerẹ odi rẹ udju!

Une rẹ Ejiro 50:2

Vwe evun ri Zayọn, erhuvwu re urinrin re Ọrovwohwo de lo phia.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

Ọbe ri Pọl si rhe Ihwo ri Rom 15:10

ọ da rhoma ta, Ghọghọ, E Keferi, kugbe ihwo rọye;

Iyẹnrẹ Esiri ri Jọn 12:41

Aizaya ta ọnana fikiridie ọ mrẹ urinrin rọye ọ da ta ota kpahọ.

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 41:19

Ki mi phi igẹdu phihọ evun rẹ aghwa, te ighwẹrughẹ, te ihophe, kugbe oliv, ki Mi che phi owangha phihọ evun rẹ atọn, tẹ iriẹ te egọrọ.

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Une rẹ Ejiro 97:6

Idjuvwu na ghwoghwo ọvwata rọye; ihwo na ejobi ke mrẹ urinrin rọye.

Une rẹ Ejiro 89:12

Te obọrhe ọnre te obọhwere ọnre, wọwẹ re ma ayen. Tabọ kugbe Hammon re jiri odẹ wẹn vẹ aghọghọ.

1 Ikun rẹ Ivie 16:33

Kẹ irhe rẹ aghwa na so ine rẹ aghọghọ vwẹ obaro rẹ Ọrovwohwo, kidie o che guẹdjọ rẹ akpọ na.

Iruo rẹ Iyinkọn na 9:35

Ihwo ejobi re dia Lida kugbe Sharọn da mrẹ, ayen de kurheriẹ bru Ọrovwohwo rhe.

Ẹyano 16:7

vwẹ irhiọke ku wọ cha mrẹ urinrin rẹ Ọrovwohwo, fikiridie o nyo iguegun wẹn kpahe Ọrovwohwo. Kidie avwanre epha, ru we vwo guẹ avwanre?

1 Ikun rẹ Ivie 5:16

Ayen da dia Gilead, vwi Bashan kugbe irho rọye ejobi, kugbe etọ rẹ egbri vwi Sharọn re te ughwru rayen.

Solomon 2:1

Mẹvwẹ ododo ri Sharọn, ododo rọ hẹ evun rẹ iyara.

Aizaya 27:6

Vwẹ ẹdẹ re cha na Jekọp kọ cha vwẹ owọ muotọ, Izrẹl kọ cha kpa ipho kọ ghwe ẹbe phihọ, omamọ rọye kọ cha vọn akpọ na ejobi.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 66:10

Nene Jerusalẹm ghọghọ, re oma vwerhe owẹ kẹ, ovwan ihwo ejobi re guọnerọ, nene ghọghọ vwẹ omavwerhe, ovwan ejobi ri muomahọ kẹ,

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Joshua 19:26

Allam-melek, Amad, kugbe Mishal epha; vwẹ obuko ọnre re te Karmel kugbe Shihorlibnat,

1 Ikun rẹ Ivie 27:29

Vwẹ enu rẹ uchuru re ria odi vwi Sharọn ọye Shitrai rẹ ohwo ri Sharọn; vwẹ enu rẹ uchuru vwẹ iyara na ọye Shafat ọmọ rẹ Adnai.