Aizaya 34:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Guọnọ ru wọ se ne evun re ọbe re Ọrovwohwo rhe: Ovuọvo re enana se deghe ero-o; ọvuọvo ro je otu evwo gbe sa dia-a Kidie unu re Ọrovwohwo ji urhi nana nure, ye erhi rọye ghwe ayen koko nure.

Aizaya 34:16 Referans Kwoze

Une rẹ Ejiro 33:9

Kidie ọ tanu, ọ da ghwa dia ọtiọye, o ji urhi nu, o de mudia kokoroko.

Joshua 1:8

Ọbe nana rẹ urhi na che nẹ uwe unu-u, ẹkẹvuọvo wọ vẹ ọye se umẹ te asọn te uvo, rere wọ vwẹ oma kpotọ ru obo re si phihọ ejobi; kọ nẹrhẹ idjerhe wẹn yovwi, ko ji yovwi kẹ wẹ.

Matiu 5:18

Uyota me ta kẹ ovwan, bẹsiẹ rẹ odjuvwu vẹ akpọ vwọ wan, umuku rẹ ota mẹ ọvuọvo se she fia-a, rhiri bẹsiẹ rẹ imu na ejobi vwọ gba,

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Aizaya 30:8

Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Iyẹnrẹ Esiri ri Jọn 10:35

Ọ de se ayen edjọ ihwo rẹ ota rẹ Ọghẹnẹ bru rhe je se miovwi ọbe ọfuanfon na-a.

Isẹ 23:12

Vwẹ udu wẹn kẹ uyono rere wọ kerhọn rẹ erianriẹn.

Iyẹnrẹ Esiri ri Luk 21:33

Odjuvwu vẹ akpọ cha wanvrẹn, ẹkẹvuọvo eta mẹ cha wanvrẹ-ẹn.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Aizaya 58:14

ọke yena ku wo vwo avwerhe vwẹ evun rẹ Ọrovwohwo, ki Mi ru we vwọ gua vwẹ obenu rẹ akpọ na; ke Me vwẹ uku ri Jekọp ọsẹ wẹn vwọ ghẹrẹ owẹ, kidie unu rẹ Ọrovwohwo re tarọ.

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

Aizaya 1:20

Ẹkẹvuọvo wọ da sen wọ de mu kpahọ oda kọye a vwọ ghwọro owẹ, fikiridie unu rẹ Ọrovwohwo re tarọ.

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Urhi Rivẹ 31:21

Ọke rẹ ukpokpogho vẹ emiovwo buebu de bru ayen rhe re, une nana kọ dia kẹ ayen kerẹ oseri (kidie ọ cha dia ẹbẹrunu rẹ uvwiẹ rayen ro de jẹ ayen ẹchọrọ); kidie Me riẹn oghẹre rẹ iroro rẹ ayen roro nure, tavwe Me ke reyọ ayen rhe otọ ri mi veri nẹ Me vwọ kẹ na.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Aizaya 21:17

ihwo ri chekọ re san ikpọi rẹ egba re emọ ri Kedar ejobi ke cha havwe; kidie Ọrovwohwo rẹ Ọghẹnẹ re Izrẹl, ọye re tarọ.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.