Aizaya 34:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Inwe ke tanrhe vwe ogba ọgangan rọye, ekpia ve idjighe vwe asan odjahọ rọye. Erha ke cha kọghọ Etiyin, edia vwọ ke ogomugọ

Aizaya 34:13 Referans Kwoze

Jerimaya 10:22

Kerhọn rẹ alegbe! Nighe, ọ vẹn cha– edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Malakae 1:3

ẹkẹvuọvo Isọ tu vwe oma; me guọghọ orho rọye rọ obo ugbenu na mi de jẹ uku rọye vwo vwọ kẹ erha rẹr aton.

Une rẹ Ejiro 44:19

ku wọ guọghọ avwanre vwẹ asan rẹ ẹrhan ẹpha vwọnẹ, wọ da vwẹ ebri hwi vwo rhurhu avwanre.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.

Jerimaya 49:33

Hazọ che hirhe phihọ ẹdia rẹ ẹrha asan ofefe bẹdẹ; ohwo cha dia-a, ohwo cha sa ya vwọ-ọ.

Aizaya 35:7

ehavwo re rhorha ki hirhe phihọ oku, igbughu rẹ ame ke van nẹ otọ ọyaya rhe, asan rẹ erha da kọn ko che hirhe phihọ ighroghro, eghri ki hirhe phihọ ẹgo vẹ eghọrọgbọdọ

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Uvwerhe 4:3

Vwevwe rẹ ẹrha je vwẹ evie kẹ emọ rọye ẹkẹvuọvo ọmọtẹ rẹ ihwo mẹ rhi hirhe phihọ ihwo ebrabra, kerẹ ogomugoro vwẹ evun rẹ aghwa.

Jerimaya 51:43

Irere rọye hirhe phihọ emuoshọ, otọ rẹ ohwo jẹ dia, rẹ ọmọ rẹ ohwo jẹ wanvrẹn.