Aizaya 34:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ke ayen mu odẹ ke ne Uvie he Etiyi-in, isun rọye ke dia emu diodi

Aizaya 34:12 Referans Kwoze

2 Kọrẹnt 12:11

Ekpa me epha jovwo! Ovwan ri bi vwe phihọ, kidie ovwan ejiri uvwe vẹrhe. Kidie me dia orharhe kakaka kẹ otu nana ri se oma iyinkọn na-a, dede na yi mi fi emuọvo-o.

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

Jerimaya 39:6

Ovie na de hwe emọ ri Zẹdikaya vwẹ irharo rọye, ovie ri Babilọn de ji hwe ikpihwo ri Juda ejobi rhe.

Jerimaya 27:20

E rẹ Nebukadreza ovie ri Babilọn kua yanra-an na, ọke ro vwo mu Jekonaya ọmọ ri Jehoyakim, ovie ri Juda, vẹ ikpihwo ri Juda vẹ Jerusalẹm ejobi nẹ Jerusalẹm kpo imu vwi Babilọn.

Aizaya 41:24

Nighere, wọ dia emuọvo-o, iruo wẹn je hẹ ofefe, Ẹgua kẹ ohwo rọ jẹn wẹ.

Aizaya 40:23

ohwo ro hirhe emọ rẹ ivie phihọ emu diodi, o mi ni isun rẹ akpọ na ejobi phihọ ighevweghe.