Aizaya 34:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvo ọvo ve osorhue keye re cha dia, okpurhukpurhu ve okpemu keye cha dia. Ko che si usi re ozighi phihọ duvwu, kọ savwe iphọrọ re ozighi rhurhu ikpihwo rọye.

Aizaya 34:11 Referans Kwoze

Uvwerhe 2:8

Ọrovwohwo jẹ iroro ro vwo hirhe igbẹhẹ rẹ ọmọtẹ ri Zayọn phihọ erhurhu, O de si usi vwo gbere ughwru phihọ, Ọ da obọ rẹ ẹghwọrọ rọye ji-i; ọ da nẹrhẹ udio vẹ igbẹhẹ viẹ, ayen re koko vwere oma.

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

Zẹfanaya 2:14

Ekru rẹ eranvwe ki rhuẹn te otọ vwẹ uherevie rọyẹ, ẹranvwe rẹ aghwa na ejobi; Ye udele kugbe ọrigbẹn okukughu kọ che bo vwẹ evakpo na, okpemu ko che kpẹri vwẹ ibara; kidie ke che rhie omamọ rẹ igẹdu rọye na phihọ.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

2 Samuẹl 8:2

Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Une rẹ Ejiro 102:6

Ke me họhọ ekala rọ hẹ evun rẹ aghwa, kerẹ okpurhukpurhu rọ he evun rẹ etu,

Aizaya 34:17

O vwi fiki rayen vwo mu itẹ, o vwe usi re obọ rọye vwo gharo ke ayen nure, ke ayen vwo bẹdẹ, ne edje ra rọ edje ayen ke cha dia Etiyin.

Emọs 7:8

Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn,

Livitikọs 11:16

Ogomugoro, Ọmọphrebri ọkeghọrọ, ọso vẹ oghẹre rọye,