Aizaya 33:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ohwo rọ yan oyan re ọvwata rọ ta ota re ọsoso, ohwo ro je erere re oshenyẹ fia, ro phorho abọ rọye, ro vwo je udi ẹriọ, rọ vwe obọ di erhọn ro vwo jẹ ikun re ọbara re hweri enyo, ro rhurhu ẹro rọye ro vvvo je uniovwo eno

Aizaya 33:15 Referans Kwoze

Une rẹ Ejiro 119:37

Rhẹriẹ ẹro mẹ rere o vwo je ogbegbemre e no; wọ kẹ vwẹ arhọ vwẹ idjerhe wẹn na.

1 Jọn 3:7

Emọ na, e jẹn ohwo ọvuọvo phiẹn ovwa-an. Ohwo ro ru emu esiri ọye hẹ ọvwata, kirobo rẹ ekpuyovwi rọye hẹ ọvwata na.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Iyẹnrẹ Esiri ri Luk 19:8

Zakiọs mudia ọ da ta kẹ Ọrovwohwo, Nighe, Ọrovwohwo, abọvo rẹ ekuakua mẹ me vwẹ ayen kẹ ivwiogbere; ọ da dianẹ me rha ghwa ohwo ọvo re, ke me rhan rhivwi ọhwọhwọ ẹne.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Malakae 2:6

Uyono rẹ uyota da hẹ unu rọye, a mrẹ efian vwẹ unu rọye-e. O nabọ yan nene uvwe vwẹ ọsoso vẹ ufuoma, o de si ihwo buebu nẹ orukuruku rayen.

Une rẹ Ejiro 106:3

Ebruba kẹ ayen otu re guọnọ ọsoso, ri ruẹ ọvwata vwẹ ọke ejobi!

Urhi Rivẹ 16:19

Ovwan chahe uyota na kuẹrhẹriẹ-ẹ; ovwan nẹ abọvo-o, ovwan ria udi-i, kidie udiẹriọ rhuẹ ohwo ẹro o mi ku orhiẹn rẹ ọvwata rhẹriẹ.

Matiu 26:15

Ọ da ta nẹ, Die ovwan sa kẹ vwẹ, ri mi de muo kẹ ovwan? Ayen de kere idọnọ efuanfon ọgban vwọ kẹ.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Isẹ 10:9

Ohwo rọ yan vẹ evunesiri cha yan vwẹ ufuoma, ẹkẹvuọvo ohwo ro ku idjerhe rọye rhẹriẹ ka mrẹ otọ rọye.

Isẹ 15:27

Ohwo rọ guọnọ erere ọchọchọ sua ota kẹ evwruwevwi rọye, ẹkẹvuọvo ohwo ro tuoma rẹ udiẹriọ cha rhọ.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Izikiẹl 22:13

Nighe, fiki rẹ ọtiọye na, me da teye abọ mẹ koko fiki rẹ ọghware ru wọ ghwa ihwo mẹ ria, kugbe ọbara rọ hẹ uherevie wẹn.

ỌBE RẸ JOB 31:7

Ọ da dianẹ ichiyotọ mẹ ghwru nẹ idjerhe na, rẹ udu mẹ da yan nene ẹro mẹ, rọ da dianẹ upe tamu abọ mẹ;

Une rẹ Ejiro 15:5

ro momo igho kẹ ihwo nẹ o suo-o, ọ ria udi vwo brorhiẹ hwe ọ rọ re ase-e. Ohwo ro ru imu nana e gbi se ghwie-e.

Isẹ 1:10

Ọmọ mẹ, irumwemwu da riẹriẹ owẹ, wọ rhọvwa-a.

Isẹ 1:15

Ọmọ mẹ, wo nene ayen yan usu-un, si owọ wẹn nẹ idjerhe rayen,