Aizaya 33:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wọ mrevun rẹ iphopho, wo vwiẹ ikpato, ẹnwẹn wẹn ko hirhe oma phihọ erhanre rọ torhẹ owe.

Aizaya 33:11 Referans Kwoze

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Une rẹ Ejiro 7:14

Nighere, ohwo umwemwu jẹn iroro umwemwu, ọ mrevun rẹ ogbarogba, o de vwiẹ efian.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Iruo rẹ Iyinkọn na 5:4

Ọke ra je shẹ otọ na-a, ọ dianẹ wẹ ri vworo? Ọke ra rha vwọ shẹ nu na, ọ je dia obọ wẹn ọ epha? Die jabọ wo vwo roro emu nana vwẹ udu wẹn? Ẹkẹvuọvo Ọghẹnẹ wọ vwọron ofian kẹ na ọ dia ihwo rẹ akpọ-ọ.

Aizaya 26:18

avwanre chuẹ uvwiẹ, avwanre phreri ohwo rẹ avwanre vwiẹri na kẹ aphopho. Avwanre ru iruo rẹ esivwo ọvuọvo vwẹ akpọ na-a, ye ihwo re dia akpọ na ji she-e.

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Une rẹ Ejiro 2:1

Die ẹgborho na vwo koko jẹn iroro umwemwu re ihwo na de roro iroro ofefe vwẹ udu rayen?

ỌBE RẸ JOB 15:35

Ayen mrevun rẹ ọkon ayen de vwiẹ umiovwo, udu rayen ra rhuẹrẹ ọphiẹnvwe kpahe.

Une rẹ Ejiro 7:15

O bru ọgọdọ, ọ da nabọ ghwẹ fia, o de she ro ukpotọ rẹ ọye ọvo tọnre na.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.