Aizaya 32:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 32:15 Referans Kwoze

Aizaya 29:17

O gbe dianẹ ọmọke krẹ ri chekọ-ọ ri Lebanọn vwọ rhoma hirhe phihọ udju esiri, ra da vwẹ udju esiri na vwo roro egbo?

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iyẹnrẹ Esiri ri Luk 24:49

Nighe, mi che ji ive rẹ Ọsẹ mẹ na bru ovwan rhe; ẹkẹvuọvo wa dia evun rẹ orere na, bẹsiẹ ra vwọ reyọ ogangan nẹ obenu rhe rhi vwo rhuo ovwan.

2 Kọrẹnt 3:8

Kẹ ogharọ rẹ Erhi na gbi vwo udidi rode rọ rho nọ ọtiọna?

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Une rẹ Ejiro 104:30

Ọke wo de ji Erhi wẹn, ka mama ayen; wọ me rhoma ru opharo rẹ otọ na phihọ ọkpokpọ.

Aizaya 63:11

Etiyin ọ da karophihọ ọke re awanre, ọke ri Mosis odibo rọye. Tivọ ọ re mu nẹ ame rhe na epha osuigodẹ re ihwo rọye na? Tivọ ọ re phihọ uherevie rayen na epha Erhi ọfuanfon rọye na,

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Isẹ 1:23

Gba kerhọn rẹ ẹghwọ mẹ, nighe, me cha vwẹ iroro mẹ nẹ wẹ; rere wọ vwọ riẹn eta mẹ.

Aizaya 35:7

ehavwo re rhorha ki hirhe phihọ oku, igbughu rẹ ame ke van nẹ otọ ọyaya rhe, asan rẹ erha da kọn ko che hirhe phihọ ighroghro, eghri ki hirhe phihọ ẹgo vẹ eghọrọgbọdọ

Une rẹ Ejiro 107:35

Ọ rhẹriẹ aton phihọ ẹtẹrhe rẹ ame, otọ ọyaya phihọ ogbugbu rẹ ame.

Une rẹ Ejiro 107:33

O hirhe irhie phihọ aton, ogbugbu rẹ ame phihọ otọ ọyaya,

Iyẹnrẹ Esiri ri Jọn 7:39

Asakiephana ọ ta ọnana kpahe Erhi na, rẹ otu ri sere gbuyota che vwo; kidie rhi te ọke na yọ je vwẹ Erhi na kẹ aye-en, fikiridie yẹ a je vwẹ urinrin na kẹ-ẹ.

Aizaya 28:6

kugbe erhi rẹ ọsoso kẹ ohwo ro tidia brorhiẹ, kugbe ogangan kẹ otu re rhan ofovwi rhivwi vwẹ ughere.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Izikiẹl 37:14

Ki mi phi Erhi mẹ phihọ evun wẹ, ku wọ rhọ, ke me vwẹ owẹ kpo otọ rẹ obọ wẹn, ku wọ riẹn nẹ mẹvwẹ, Ọrovwohwo re tarọ, mi ji ruo nure, ọtiọye Ọrovwohwo tare.