Aizaya 32:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kere emu re ẹgbukpe ku wo guoma, ovwan eya ri ghwahọ rere, kidie orhọ ri valn che she, ọke rẹ emamọ ẹkorọ gbe cha rhe-e.

Aizaya 32:10 Referans Kwoze

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Aizaya 7:23

Vwẹ ẹdẹ yena kasan kasan rẹ irhe ri vain uriori djẹ phihọ, re ghare te ovwanvwọn rẹ idọnọ uriori ko che hirhe phihọ ekpia vẹ Idjighe.

Zẹfanaya 1:13

E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.

Habakọk 3:17

Owenẹ urhe ri fig rha kpa ipho dede-e, eyẹ ibi gbe hẹ enu ri vai-in, rẹ urhe rẹ oliv gbe mọ-ọ re idju na gbi yovwi emu-u ro gbi vwo ekru rẹ eranvwe vwẹ erhu-u,

Joẹl 1:12

Vain na re vwioro urhc ri fig na ra fa ẹbe Pomegranate, oriẹ, kugbe orhomrẹ, irhe rẹ aghwa na ejobi fa ẹbe re, omavwerhovwẹ gbe herọ kẹ emọ rẹ ihwo-o

Joẹl 1:7

Ọ da guọghọ vain mẹ ejobi, ọ da dia irhe ri fig mẹ; ọ da kpẹn ehọrọ rayen kuotọ e de ru eghọn rayen fon.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 2:12

Ke me guọghọ irhe ri vain vi figi rọyẹ, rọ ta ota kpahe nẹ, Enana osa mẹ, rẹ esen mẹ vwọ kẹ vwẹ. Mi ru ayen hirhe phihọ egbo, eranvwe rẹ aghwa ke re ayen.

Aizaya 16:10

Ye aghọghọ te omavwerhe a reyọ ayen yanran vwo nẹ udju esiri na; vwẹ evun rẹ ogba ri vain na o rhe vwo une ra so-o, o vwo ohwo ro kuvwieri-i; o vwo ohwo ro chiyi vain vwẹ asan umi na-a; edo ra vwọ kọrọ vain fueri.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.