Aizaya 31:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 31:1 Referans Kwoze

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Jerimaya 17:5

Enẹ Ọrovwohwo tare: Ekan kẹ ohwo rọ vwẹ ẹro so ohwo rẹ akpọ rọ vwẹ uvwo ru ẹgba rọye, rẹ udu rọye rhẹriẹ jẹn Ọrovwohwo vwo.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Aizaya 36:9

Komavọ wọ vwọ sa rhan onotu ọvo vwẹ usun rẹ inotu itete rẹ onini mẹ rhivwi, ru wọ vwọ vwẹ ẹro so Ijipt vẹ ekpẹrẹ rẹ ofovwi kugbe ihwo re gua iyesi?

Aizaya 30:16

ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Aizaya 36:6

Nighere, wọ vwẹ oma da Ijipt, ọkpọ rẹ ugbẹn rẹ ọghọrọgbọdọ, rọ shọrọ obọ rẹ ohwo rọ vwe oma rere na. Ọtiọye Fero ovie re Ijipt epha kẹ ihwo ejobi re vwẹ ẹro da.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hosia 7:7

Ayen ejobi rhorha kerẹ enyerhanre, ayen guọghọ ihwo ri sun ayen, Ivie rayen ejobi sheri, ayen ọvuọvo rhe kperẹ se vwe-e.

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Aizaya 22:11

Wọ da tọn ọgọdọ phihọ uvwre re igbẹhẹ na rere ame rẹ ẹtẹrhe rẹ awanre na vwọ djẹ ruọ. Ẹkẹvuọvo wo gbi rhe ni ohwo ro ruro-o, eyẹ wo rhe se ohwo rọ jẹn iroro na phihọ otọ rhabae rhe gbe emu-u.

2 Ikun rẹ Ivie 16:7

Vwẹ ọke yena Hanani rọ ọmrẹ na de bru Asa ovie ri Juda rhe, ọ da ta kẹ, Fikiridie wọ vwẹ ẹro so ovie ri Siria, wọ gbe rha vwẹ ẹro so Ọrovwohwo Ọghẹnẹ wẹ-ẹn, unuofovwi rẹ ovie ri Siria va wẹ abọ djẹ nure.

Aizaya 57:9

Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Aizaya 2:7

Otọ rayen vọnre vẹ idọnọ kugbe iro, efe rayen vwo oba-a otọ rayen vọnre vẹ iyesi, ekpẹrẹ rẹ ofovwi rayen vwo unu-u.

Hosia 11:5

Ayen che rhivwi kpo otọ rẹ Ijipt, Asiria kọ cha dia ovie rayen, fikiridie ayen rhọvwe rhivwi bru vwẹ rhe-e.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Aizaya 10:17

Urhukpẹ rẹ Izrẹl ko hirhe phihọ erhanre, Ọfuanfon Ọvuọvo rọye na kẹ ogidi erhanre; kọ torhẹ ọ me ghwọrọ idjigbẹ vẹ ekpia rọye na vwẹ ẹdẹ ọvo.

Aizaya 20:5

Etiyin ofu ko dje ayen vẹ ozighi fiki rẹ Itiopia re ayen vwẹ ẹro so kugbe ljipt rẹ ayen vwọ yeyan.

Aizaya 43:15

Mẹvwẹ Ọrovwohwo, Ọfuanfon Ọvuọvo wẹn, Ọmema rẹ Izrẹl, Ovie wẹn.

Jerimaya 37:7

Enẹ Ọrovwohwo tare, Ọghẹnẹ rẹ Izrẹl: Enẹ wọ ta kẹ Ovie ri Juda ro ju we rhe nọ vwẹ obọ me na, Nighe, otu rẹ ofovwi ri Fero re rhe chọ we uko muegbe ri vwo rhivwi kpo Ijipt re, kpo otọ raye.

Jerimaya 42:14

tanẹ, Ẹjo, ma yan kpo otọ rẹ Ijipt, asan me de jẹ ofovwi ẹmrẹ, eyẹ jẹ edo rẹ owanre enyo, eyẹ owẹvwe rẹ emuọre gbi hwe-e,

Izikiẹl 29:16

Ihwo rẹ Izrẹl gbe vwẹ ẹro suọ ọfa bẹdẹ-ẹ, re ayen da karohọ orukuruku rayen, rẹ ayen da dje bru ayen ra nẹ ọ cha ayen uko. Etiyin ayen ke riẹn nẹ mẹvwẹ Ọrovwohwo Ọghẹnẹ na.

Hosia 11:9

Ki mi gbobọnyẹ ophu ọtuatua mẹ na, Me gbe sa guọghọ Ifremu-u, kidie Mẹvwẹ Ọghẹnẹ me dia ohwo rẹ akpọ-ọ, Ọfuanfọn Ọvuọvo vwẹ uherevie rẹ ovwan, Me gba rha rhe rhe ghwọrọ-ọ.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Habakọk 3:3

Ọghẹnẹ nẹ Teman rhe, Ọfuanfon Ọvuọvo na nẹ Ugbenu ri Paran rhe. Urinrin rọye rhurhu odjuvwu na, akpọ na ejobi da vọn vẹ ejiro rọye.

Jẹnẹsis 47:17

Etiyin ayen da ghwẹ uchuru rayen rhe Josẹf; Josẹf da vwẹ emuọre wene iyesi, igodẹ, uchuru vẹ ekẹtẹkẹtẹ rayen, ọ da vwẹ emu wene uchuru rayen ejobi ukpe yena.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

ỌBE RẸ JOB 39:11

Wọ vwẹ ẹro suọ fikiridie ogangan rọye rhoro, ku wọ yan jẹ iruo wẹn vwo kẹ?

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Zekaraya 10:5

Ayen che kuomagbe dia kerẹ egba vwẹ ofovwi, de chihi ivwighrẹ na phihọ ibehre rẹ irhuvwu na ayen cha họnre fikiridie Ọrovwohwo vẹ ayen herọ, kẹ ayen che kpogho otu re djẹ iyesi na.