Aizaya 30:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Aizaya 30:32 Referans Kwoze

Aizaya 11:15

Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Aizaya 19:16

Vwẹ ẹdẹ yena, ihwo rẹ Ijipt na ke cha họhọ eya, ke cha phariẹ vẹ oshọ vwọ kẹ obọ na rẹ Ọrovwohwo rẹ otuofovwi che kpogho phihọ ayen na.

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Hibru 12:26

Vwẹ ọke yena urhuru rọye ko kpogho akpọ na; ẹkẹvuọvo asakiephana o vẹri nure, Kẹ ẹsiẹvo ri chekọ o diane kẹ akpọ na ọvo mi che kpogho-o ẹkẹvuọvo ji te odjivwu rhe.

Izikiẹl 32:10

Ki mi ru re ofu wẹn dje ihwo buebu, ivie rayen ki guoma fiki wẹ, ri mi de che kpogho ọlọkọ mẹ phihọ ayen ẹro, kẹ ayen che muẹ phariẹ kọke kọke, ayen ọvuọvo fiki rẹ arhọ rọye, vwẹ ẹdẹ rẹ eshe wẹn.

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 24:8

Aghọghọ vẹ edo rẹ igogo efọre, edo rẹ ihwo re ghọghọ fueri, aghọghọ rẹ ekpata ejobi fọre riẹi.

ỌBE RẸ JOB 16:12

Me hẹ ofuvwegbe jovwo, o de bru vwe ibribro, ọ yọnrọn ovwe ohọre o de mu vwe brotọ chẹchẹghẹ, Ọ da vwẹ ovwẹ suẹro ro che hwe,

1 Samuẹl 10:5

Ọyena da wan nu ku wo che te Gibeat-ẹlohim, asan rẹ unu rẹ ofovwi rẹ ihwo ri Filistia epha, etiyin, wo de ghwe che te orere na, wọ cha vwa otu rẹ emraro ri wotọ nẹ obenu rẹ ugbenu cha vẹ isorogun, owanre, kugbe akuakua, kugbe une, re mraro.

Jẹnẹsis 31:27

Die wọ vwọ bẹbẹ djẹ, wọ vwọ ghwa vwẹ re, ru wo vwo ju vwe ẹvuẹ, rere Me heha kẹ wẹ vẹ ekpata kugbe isoroguun?

1 Samuẹl 18:6

Rẹ ayen vwo rhivwi kpore, ri Devid vwo nẹ ihwehwe rẹ ihwo ri Filistia na cha, eya na da djẹ nẹ irere rẹ Izrẹl ejobi rhe, e sua ine gbe eha, ra vwa ọvie Sọl, vẹ ekpagha, vẹ ine rẹ aghọghọ, vẹ ekuakua rẹ ihwehworo.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Izikiẹl 28:13

Obo Idẹn wọ epha, udju rẹ Ọghẹnẹ na; oragha koragha ro yovwiri ejobi e vwo rhurhu we, kanelia, topaz, kugbe jasper, krisol, beril, kugbe onix, safaya, carbuncle, emerald; ra vwẹ oro ru ọye ẹghwẹphihọ o wẹn vẹ ona re bru phihọ owẹ. Vwẹ ẹdẹ ra ma wẹ na ọye a rhuẹrẹ ayen phihọ.

2 Ikun rẹ Ivie 32:8

Ugbobọ rẹ ohwo rẹ akpọ vẹ ọye gba herọ; ẹkẹvuọvo Ọrovwohwo Ọghẹnẹ vẹ avwanre gba herọ, re cha avwanre uko ọye ri ji phi ofovwi na kẹ avwanre. Udu rẹ ihwo na da gan fiki re eta ri Hẹzikaya ovie ri Juda.

Aizaya 10:26

Ọrovwohwo rẹ ofovwi na kọ cha vwẹ ugbudia vwọ fa ayen, kirobo rọ vwerọ fa Midian vwẹ asan oragha rẹ Orẹb, kọ cha riẹn ọkpọ ku urhie, kọ kparọ kirobo ro ru vwẹ Ijipt.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.