Aizaya 30:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 30:30 Referans Kwoze

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Joshua 10:11

Rẹ ayen vwọ djẹ nẹ obọ rẹ Izrẹl na, rẹ ayen vwọ djẹ nene ọghwrọrọ ri Bẹthọrọn, Ọrovwohwo de si eragha ride nẹ enu rhe ri she teye ayen rhiri rhi te Azekah, ayen de ghwu; e rẹ osio rẹ ibieragha na hweri bu vrẹn e rẹ ihwo rẹ Izrẹl na vwẹ ọlọkọ hwe.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Matiu 24:7

Kidie ẹgborho cha vwọ so ẹgborho, uvie cha vwọ so uvie, owẹvwe che fi, otọ che kpogho vwẹ asan buebu.

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Aizaya 32:19

Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

Ẹvwọphia 1:15

awọ rọye da họhọ ẹrovwo ra fare, ra wranre vwẹ evun rẹ ogidi erhanre, urhuru rọye kerẹ edo rẹ urhie rọ họnra.

Iyẹnrẹ Esiri ri Luk 1:51

Ọ vwẹ ogangan rẹ obọ rọye phia, ọ hra eheri rẹ udu rẹ ihwo ofefe,

Izikiẹl 10:5

Edo rẹ ibekpe ri sherobim na e de nyo rhiri re te ọguan rẹ obo uphephẹ, kerẹ urhuru rẹ Ọghẹnẹ ro vwo Ẹgba na vwẹ ọke rọ da ta ota.

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Une rẹ Ejiro 98:1

E so une kẹ Ọrovwohwo une ọkpokpọ, kidie o ru imu re igbunu! Obọrhe rọye vẹ ugbobọ ọfuanfon rọye eye o vwo phi kparobọ.

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Une rẹ Ejiro 2:5

Kọ cha vwe ophu ta ota ke ayen, ko guegue ayen vwe ivuemiovwo rọye, tanẹ,

ỌBE RẸ JOB 40:9

Wo vwo eghwabọ kerẹ Ọghẹnẹ, urhuru wẹn sa van aghrara kerẹ ọrọye?

1 Samuẹl 7:10

Ri Samuẹl vwọ torhẹ izobo na, ihwo ri Filistia de rhi bi ohọnre na te Izrẹl oma; ẹkẹvuọvo Ọrovwohwo da van ovan ọgangan ku ihwo ri Filistia o de phi ozighi phihọ ohri rayen; ayen da mrẹ Izrẹl djẹ.

Ẹyano 15:16

Oshọ vẹ uguegue she teyọ ayen; fiki rẹ ọrho rẹ igbabọ wẹn, ayen pha fọfọ kerẹ oragha, bẹsiẹ rẹ ihwo wẹn, E Ọrovwohwo, vwọ wan vrẹn, bẹsiẹ rẹ ihwo wẹn vwọ wan e re wọ tanhirhe.

Ẹyano 9:23

Etiyin Mosis da riẹn ọkpọ rọye kpenu; Ọrovwohwo da vwẹ agbrara vẹ osio rẹ imicho rhe, erhanre da rhe otọ na. Ọrovwohwo da rhọ osio re imicho phihọ otọ rẹ Ijipt na;

ỌBE RẸ JOB 38:22

Wọ sa ro uwevwi rẹ imicho ghwẹ emu phihọ re, eyẹ wo mrẹ uwevwi rẹ osio rẹ erhanre ghwẹ emu phihọ,

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 30:31

Ihwo rẹ Asiria ke cha phariẹ yeyeghe re ayen de nyo urhuru rẹ Ọrovwohwo na, vwẹ ọke re ọkpọ rọye da ghwiẹ

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 66:16

Kidie erhanre Ọrovwohwo che vwo brorhiẹn, ọlọkọ rọye, ko muo kpahe ihwo ejobi, ihwo rẹ Ọrovwohwo che hwe ki buebu.

Jerimaya 25:32

Enẹ Ọrovwohwo rẹ otuofovwi na tare: Nighe, umiovwo nẹ orere ra ro orere re, O se ogidi rode na nẹ oba rẹ akpo na rhe!

Izikiẹl 13:13

Fiki rẹ ọtiọye na enẹ Ọrovwohwo Ọghẹnẹ tare: Me cha vwẹ odju rẹ ogiribo cha vwẹ ophu mẹ, osio rẹ oghwe kọ cha rhọ vwẹ ivuemiovwo mẹ, ibieragha ride rẹ ophu mẹ ke guọghọ.

Joẹl 2:5

Kerẹ edo rẹ ekpẹrẹ rẹ ofovwi, kẹ ọtiọye ayen pho muẹ enu rẹ igbenu, kirobo rẹ ogiderhanre ruẹ rọ da torhẹ aton ye, kerẹ unuofovwi ọgangan rọ choma hẹrhẹ ofovwi.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Ẹyano 9:24

osio rẹ imicho na da rhọ, erhanre kọ nyavwaro phẹrẹphẹrẹ vwẹ evun rẹ osio rẹ imicho na, osio rẹ imicho na rhoro gangan, a je mrẹ oghẹrẹ rọye vwẹ otọ rẹ Ijipt na dẹvo-o rhabae rọ vwọ dia ẹgborho na.

Joshua 10:10

Ọrovwohwo da djẹ uguegue phihọ ayen oma vwẹ obaro rẹ Izrẹl, e de hwe ayen buebu vwi Gibeọn, a da djẹ ayen wan idjerhe rẹ ọghwrọrọ ri Bethọrọn e de hwe ayen rhiri re te Azekah vi Makedah.

ỌBE RẸ JOB 38:23

re me sẹro rọye nu hẹrhẹ ọke rẹ ukpokpogho, kẹ ẹdẹ rẹ ohọnre vẹ ofovwi?

Aizaya 4:6

Kọ dia ophie vwẹ uvo vwo nẹ oheri, kugbe odjahọ vẹ uvun nẹ ogiribo vẹ osio

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Aizaya 10:26

Ọrovwohwo rẹ ofovwi na kọ cha vwẹ ugbudia vwọ fa ayen, kirobo rọ vwerọ fa Midian vwẹ asan oragha rẹ Orẹb, kọ cha riẹn ọkpọ ku urhie, kọ kparọ kirobo ro ru vwẹ Ijipt.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.