Aizaya 30:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Aizaya 30:22 Referans Kwoze

Aizaya 31:7

Kidie vwẹ edẹ yena kohwo kohwo cha kpare oma rọye kufia, oma re idọnọ efuanfon kugbe oma re oro, re abọ wẹn vwe imwemwu ru ke wẹn.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Aizaya 46:6

Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

Hosia 14:8

E Ifrem, die me vwẹ ema ru? Mẹvwẹ ri nyo we, mẹvwẹ je vwẹ ẹro te we. Me họhọ owangha oma mẹ emamọ wẹn nẹ cha.

Izikiẹl 36:31

Etiyin wọ ke cha karophihọ idjerhe omiomiovwi wẹn, kugbe uruemu wẹn ro je yovwo; oma wẹn ko che tu we oma fiki rẹ orukuruku wẹn kugbe uruemu rẹ ẹgua wẹn.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Izikiẹl 18:6

ọ da dianẹ ọ rha re emu vwẹ enu rẹ ugbenu-u eyẹ ọ rha kpare opharo kpenu vwo ni ema rẹ uwevwi rẹ Izrẹl na-a, o rhe gbe aye rẹ ọrivẹ rọye ẹgua-a eyẹ o rhe bi kẹre aye rọ hẹ ọke rọye-e,

Uvwerhe 1:17

Zayọn riẹn abọ rọye phia, ẹkẹvuọvo o gbi vwo ohwo ọvuọvo ro bruche-e, Ọrovwohwo ta ota kpahe Jekọp nẹ otu re dia kẹrẹ ke dia ivwighrẹ rọye, Jerusalẹm rhe dia emu ogbegbe vwẹ ohri rẹ ayen.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

2 Ikun rẹ Ivie 31:1

Asakiephana rẹ ọnana ejobi vwo re nu, ihwo rẹ Izrẹl re hẹ etiyin da yanran kpo irere ri Juda ra guọghọ isunsun na ayen da nyavwe ighriki na ejobi kuotọ ayen de kporo asan ro kpenu na ejobi te otọ kugbe egbada re otọ ri Juda vi Bẹnjamin, kugbe Ifrem vi Manasse, bẹsiẹ rẹ ayen vwọ guọghọ ayen ejobi re. Etiyin ihwo rẹ Izrẹl de rhivwi kpo irere rayen, dohwo dughwẹ rọye.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Aizaya 40:19

Oma na, ọwena re kaerọ, Oduvwiro ọ da vwẹ oro pharọ, o de duvwu ọjọrọn rẹ idọnọ vwọ kẹ.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Izikiẹl 14:6

Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi.

Livitikọs 13:52

Ọ Me torhẹ ewun na, owenẹ emiavwe muro owenẹ ẹton rẹ ogegede, eyẹ esada eyẹ okpan eyẹ ophiẹn e vwo ruo, kidie oti yena omiomiovwi, ka vwẹ erhanre torhẹ kufia.

Urhi Rivẹ 7:25

Wa vwẹ erhanre torhẹ ema rẹ ẹdjọ rayen; wo siurhuru rẹ idọnọ efuanfon eyẹ iro rẹ enu raye-en, wọ je reyọ kẹ oma wẹ-ẹn, ufi de rhi mu we vwẹ evun rọye; kidie ẹgua kẹ Ọrovwohwo Ọghẹnẹ wẹn.

Izikiẹl 7:20

Ekuakua iyoyovwi rẹ oma ẹrhuẹrẹ rayen ayen de ghwa ayen diodi, ayen vwẹ ihoho rẹ ẹgua rayen vwo ru obo ri tuoma rayen; vwẹ ọtiọye na ki mi ru obo ri jẹfuọn kẹ ayen.