Aizaya 3:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Kpe rẹ ishani ọnrhe kọye che gbo phia; vwe asan rẹ umuehu, ke ufi; kpe re ẹton ra riẹn me kẹ akpan, kpe rẹ omamọ rẹ adagba, kẹ erharhimi; kpe rẹ erhuvwu, kẹ omaẹvuọ.

Aizaya 3:24 Referans Kwoze

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Maika 1:16

Gbe oma wẹn akpan re wo bru ẹton wẹn nu, fiki rẹ emọ re vwerhe owẹ oma; gbe gbe oma wẹn akpan kerẹ ugo, kidie ayen che vrẹn nẹ uwe oma kpo ighuvwu.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 15:3

ayen vwẹ isiso rhuo vwẹ evun rẹ irhuvwu, vwẹ enu rẹ uwevwi kugbe evun rẹ ọsuere kohwo kohwo beroma ayen wran vwẹ ovie.

1 Pita 3:3

We jẹn ọsẹnvwe rẹ ovwan dia ọ rẹ ẹtoeme ọvo-o, iro re vwo gidi oma eyẹ ikpemwa-a,

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Ẹsta 2:12

Asakiephana rọ rhi vwo te ọke rẹ ọmọtẹ ọvuọvọ vwo bru Ahasuerus rẹ ovie na ra re, rẹ emeranvwe ihwivẹ vwọ gba kirobo rẹ irhi rẹ eya na epha, kidie ọnana ọye ọke rẹ eya na vwọ sẹ, emeranvwe esan ọye e ghwọrọ ori rẹ adjija kugbe emeranvwe esan rẹ egẹn kugbe ori rẹ eya.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Ẹvwọphia 18:9

Ivie rẹ akpọ na, ri duro na re vẹ ọye gbe gbe ọfanrhie na, ke viẹ ki beroma re da mrẹ ivwirhi rẹ ẹtorhẹ rọye;

Ẹvwọphia 16:9

ọrhorhorho rọye da ya ihwo mu, ayen ke harha Ọghẹnẹ rọ vwo vwo ogangan vwẹ enu rẹ ọtiekọ nana, yẹ ayen kurhẹriẹ re da vwẹ urinrin kẹ-ẹ.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.

Joẹl 1:8

Viẹ kerẹ ọmọtobẹ ra vwẹ esiso rhuo re suẹn rhe ọshare rẹ ọtarhe rọye.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Jerimaya 48:37

Kidie kuyovwi kuyovwi a wanherọ, kẹtuegba kẹtuegba e bruro kufia, enu rẹ abo na ejobi erera, vwẹ ehun ejobi kẹ isisọn.

Jerimaya 6:26

Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Aizaya 57:9

Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

Isẹ 31:24

O ko iwun rẹ esada shẹ, o rhuo umuamwa kẹ ineki.

Isẹ 7:17

Me nabọ fẹrẹ omamọ rẹ ishani kuo, omamọ rẹ egẹn vẹ adjija, ohọrọ rẹ urhe rẹ Sinamọn.

ỌBE RẸ JOB 16:15

Mi ko esisio vwo rhuo oma mẹ, e bru ogangan mẹ phihọ iwurhie.

Urhi Rivẹ 32:24

Owẹvwẹ hwe ayen kufia, oheri kọ torhẹ ayen hwe kugbe obi ọdjadja; ki mi ji ibiako re eranvwe re djoma bru ayen rhe, vẹ obi re imu ri kpono vwẹ otọ na.

Urhi Rivẹ 28:22

Ọrovwohwo kọ vwẹ ofe vẹ ekpahe rode, irhue rọ vwọre, omaerhorhọn, kugbe oheri rẹ erhanre, kugbe ekpakpọ kugbe uvo hare hare kugbe itutu; kẹ ayen vwọ tua wẹ bẹsiẹ wọ vwọ ghwọrọ.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 3:23

ewun re ọga, ewun rẹ ikoti, emerhu kugbe oga rẹ igheoghro.

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,