Aizaya 3:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ te ibi rẹ ejọrọn ri phieghe, to shẹshẹghẹ, te adja,

Aizaya 3:19 Referans Kwoze

Izikiẹl 16:11

Me da nabọ wene uwe oma djọghrọ, mi de ku ikoro phihọ owẹ abọ, mi de ku ojọrọn phihọ ohọre wẹn.

Ukeri 31:50

Avwanre reyọ izobo rẹ Ọrovwohwo vwọ rhire, obo rẹ ohwo ọvuọvo mrẹre, ekuakua rẹ oro, umuobọ kugbe eshẹshẹghẹ, isa rẹ obọ, eravwọ rẹ erhọn, kugbe evwarha, rere a vwọ gọ ẹgua kẹ oma rẹ avwanre vwẹ obaro rẹ Ọrovwohwo.

Ẹyano 35:22

Eriyin ayen da rhe te eya te eshare, ihwo ri vwo udu esiri ejobi da rọye ugbẹ vẹ isa rẹ erhọn vẹ isa, vẹ umuahọ, obo ra vwẹ oro ru ejobi kohwo kohwo de ze izobo rẹ oro kẹ Ọrovwohwo.

Jẹnẹsis 38:18

Ọ da ta, Ki didi emu mi vwo viẹnwa kẹ wẹ? Ọ da kpahe, Isa wẹn kugbe eme wẹn, kugbe ọkpọ wẹn ro rhe we obọ na. Etiyin ọ da vwẹ ayen kẹ, ọ vọye da mroma, ọ da ghwa mrevun.

Jẹnẹsis 24:53

Odibo rọye da ghwẹ ejọrọ rẹ idọnọ kugbe oro, kugbe emwa, vwọ kẹ Rebeka; ọ da je kẹ iniọvo rọye kugbe oni rọye ekuakua rẹ osẹvwe ghaghare.

Jẹnẹsis 24:30

Ọke rọ rhe vwọ mrẹ isa na kugbe umuobọ na vwẹ obọ rẹ oniọvo rọye, o ki rhe ji nyo ikun ri Rebeka gberi nẹ, Enẹ ohwo na ta kẹ vwẹ, o da yan bru ohwo na; o vwo ni, ọ da mrẹ ohwo na ro mudia kẹrẹ iyesi na vwẹ akakọ rẹ ogbugbu na.

Jẹnẹsis 24:22

Ọke rẹ iyesi na vwọ da ame nu, ọshare na da reyọ isa rẹ oro rọ họhọ te ubro ri shikẹl, kugbe umuobọ ivẹ re họhọ te shikẹl rẹ oro ihwe,

Jẹnẹsis 38:25

Ra vwọ reyọ cha re, o de ji ohwo ra vuẹ ọsorọvwe rọye nẹ, Ohwo ro vwo ekuakua nana, ọye re kẹ vwẹ evun na. Ọ da ta, Vughe te, Me rẹ wẹ, ono ri vwo enana isa na, eme na kugbe ọkpọ na.

Jẹnẹsis 35:4

Etiyin ayen da vwẹ ẹdjọ, erhorha rẹ ayen vwori ejobi kẹ Jekọp, kugbe isa rẹ erhọn rẹ ayen ku phihọ, Jekọp de si ayen nu vwẹ otọ rẹ ọhahe rọ kẹrẹ Shikẹm.

Aizaya 3:18

Vwẹ ẹdẹ yena Ọrovwohwo ko che si erhuvwu rẹ erọvwọ re abọ no te umuyovwi, te osunsun;

Aizaya 3:20

te omerho te umuabọ te emekpo, te emekpeti rẹ ishani, te igbabọ,

Ẹyano 32:2

Etiyin Erọn da ta kẹ ayen, Wa reyọ erovwọn rẹ erhọn rẹ oro rẹ erhọn rẹ eya rẹ ovwan, e rẹ emeshare rẹ ovwan vẹ e rẹ emetẹ rẹ ovwan, wa vwẹ ayen rhe vwe.

Ẹyano 32:3

Ọtiọye ihwo na ejobi da reyọ erovwọn rẹ erhọn rẹ oro rẹ erhọn rayen ayen da vwẹ ayen rhe Erọn.

Izikiẹl 16:12

Mi de phi isa phihọ unwe wẹn, mi de ji phi isa phihọ erhọn wẹn. Me da vwẹ erhu oyoyovwi vwo tughẹ uyovwi wẹn.