Aizaya 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 3:12 Referans Kwoze

Aizaya 3:4

Ke me vwẹ imitete ru ivie kẹ ayen, emọboba ki che sun ayen.

Nahum 3:13

Gbe nighe otuofovwi wẹn ke họhọ eya vwẹ uherevie wẹn. Echẹ rẹ otọ wẹn na rhie phihọ ghwroro kẹ ivwighrẹ wẹn; erhanre tọrhẹ ibregba wẹn re.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Ivie rẹ Ivẹ 11:1

Asakiephana ọke rẹ Atalaya oni rẹ Ahazaya vwọ mrẹ nẹ ọmọ rọye ghwuru, o de vrẹn ọ da ghwọrọ orua rẹ ovie na ejobi.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

ỌBE RẸ JOB 30:13

Ayen de kporo idjerhe mẹ, ayen rhuọba okpetu mẹ, ohwo ọvuovo da ayen ji-i.

Isẹ 28:16

Osun ihwo ro vwo ọhọ-ọ ko shenyẹ ihwo brabra, ẹkẹvuọvo ọ rọ guọnọ efe rẹ eku re-e che sun krekri.

Aghwoghwo 10:16

Ekan kẹ wẹ, E otọ, vwọ ọke rẹ ovie wẹn da hẹ omotete, ọke rẹ isun wẹn da re orẹ rẹ irhiọke!

Aizaya 19:14

Ọrovwohwo phi erhi rẹ ọguọgua erhi rẹ ozighi; ọ da nẹrhẹ Ijipt gele vwẹ idjerhe rọye ejobi kirobo rẹ ọdaidi gele vwẹ ekpakpa rọye.

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.