Aizaya 29:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ohwo rọ vwi fiki rẹ ota sanọ oma phia phihọ ogbeku, rọ kpahe ufi kẹ ohwo rọ ghwọ kuo vwẹ anurhoro, vwi fiki orẹ ofefe djẹ ohwo rọ re ase kufia.

Aizaya 29:21 Referans Kwoze

Jems 5:6

Ovwan brorhiẹ hwe, ovwan teyọ ihwo esiri na hwe; yẹ ayen nenẹ ovwan si oma-a.

Iruo rẹ Iyinkọn na 3:14

Ẹkẹvuọvo ovwan da siẹn Ọvwata Ọvuọvo na ro Fonro na, ovwan da nọ ekpẹn rẹ ozighẹ rere e siobọ no kẹ ovwan.

Matiu 26:15

Ọ da ta nẹ, Die ovwan sa kẹ vwẹ, ri mi de muo kẹ ovwan? Ayen de kere idọnọ efuanfon ọgban vwọ kẹ.

Matiu 22:15

Otu ri Farisi na da yan phia, ra jẹ iroro rẹ obo rẹ ayen vwọ kpahe ufi hẹrhẹ.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Isẹ 28:21

Orhiẹn re bruru abọvo yọma-a; ẹkẹvuọvo a cha mrẹ ohwo rọ vwi fiki rẹ emuọre ru oruchọ.

Iguẹdjọ 12:6

Etiyin ayen da ta, Shibbolẹt, ọ da tanẹ Sibbolẹt fikiridie ọ sa riẹn se-e; Etiyin ayen de muo ayen de hwe vwẹ uvwre ri Jọdan. Etiyin e vwo hwe ihwo rẹ Ifrem uriori ujuvẹ gbe vwẹ ẹdẹ yena.

Une rẹ Ejiro 127:5

Ohwo ro vwiẹ emọ buebu ghọghọ, kerẹ ogba-ofọvwi vwẹ ọke rẹ ekpo rọye da vọn vẹ edada. Oma gbe sa vuọ-ọ, vwẹ ọke rẹ ọ vẹ ivwighrẹ da ta ota vwẹ anurhoro.

Aizaya 10:1

Ekan kẹ ihwo ri ji urhi re orukuruku, kugbe ihwo ri siẹ isiesi rẹ oshenyẹ,

Aizaya 59:15

Uyota kanre, ohwo ro si oma nẹ umwemwu vwe oma rọye mu ufi. Ọrovwohwo mrẹre, o gbi rhe je-e nẹ ọsoso herọ-ọ.

Jerimaya 36:29

Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si phihọ nẹ ovie ri Babilọn ghine cha rhe ọ me rhe ghwọrọ otọ nana, ro de si ohwo vẹ eranvwe no?

Aizaya 5:20

Ekan kẹ ihwo ri se umwemwu erhuvwu erhuvwu umwemwu, ri phi ebri phihọ urhukpẹ urhukpẹ phihọ ebri, ri phi obo re yara phihọ ọrọ ọmiẹmiẹ ọrọ ọmiẹmiẹ phihọ ọ rọ yara.

Aizaya 5:23

ri siobọ nẹ ọ rọ reabe fiki rẹ udi ẹriọ, ayen mi mie ọvwata ase rọye!