Aizaya 29:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Wa gare erọvwọ vi otọ! Ke se ọmema na nẹ ọphie o ruẹ, re obo ra mare da ta kẹ ọ rọ marọ nẹ; O ma vwẹ-ẹ eyẹ obo ra mare da ta kẹ ọ rọ marọ nẹ, wo vwo obọ-ọ?

Aizaya 29:16 Referans Kwoze

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Iruo rẹ Iyinkọn na 17:6

Ọke rẹ obọ rayen gbi te aye-en, ayen de kpono Jasin kugbe imoni na evo rhe otu ri suẹn na, tanẹ, Enana hẹ ihwo rẹ bọvwọn akpọ na rhuẹ na eye je rhe obonẹ na.

Une rẹ Ejiro 103:14

Kidie o riẹn obo ra ma avwanre wan; o karohọ nẹ avwanre iwurhie.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!