Aizaya 29:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E Ariẹl, Ariẹl, wẹ orere ri Devid muerhọn phihọ na! vwẹ ukpe ba ukpe; jẹn orẹ na rhe vwẹ ọke rọye.

Aizaya 29:1 Referans Kwoze

2 Samuẹl 5:9

Ọye Devid da dia asan ọgangan rẹ ofovwi sa rua-a na, o de se otorho ri Devid. Devid da bọn orere na riariẹ nẹ Millo ra ro evun rọye.

Hosia 9:4

Ayen gbe jẹ udi ku Ọrovwohwo ọfa-a; ayen gbe sa vwẹ izobo rayen na phoro aro-o. Emuọre rayen kọ họhọ emu rẹ uvweri; ihwo re rerọ ejobi yi gbe ẹgua; emu ayen kẹ owẹvwe rayen ọvo ofue; a cha vwọ vwẹriẹ uwevwi rẹ Ọrovwohwo kakaka-a.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 5:6

Ayen vẹ igodẹ kugbe irhuẹ rayen gba yanran ra guọnọ Ọrovwohwo, ẹkẹvuọvo ayen cha mrẹ-ẹ. O sioma nu kẹ ayen.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Hibru 10:1

Rẹ urhi na vwọ dia uhoho rẹ emu esiri rọ cha na yọ dia okpuyovwi rẹ emu na dẹn na-a, eriyin na iye ọvuọvo rẹ ayen gọ nẹ ukpe fi ukpe na, rhe se vwo ogangan rọ vwọ vwẹ esivwo kẹ ihwo ri sere gbuyota-a.

Aizaya 31:9

Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.

Jerimaya 7:21

Enẹ Ọrovwohwo rẹ ofovwi na tare, Ọghẹnẹ rẹ Izrẹl na: Gba vwẹ izobo rẹ ẹtorhẹ wẹn vwo ba izobo wẹn, wọ re uvwo na.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Livitikọs 23:4

Enana keye ọke re orẹ rẹ Ọrovwohwo na, ẹdẹ efuanfon, ru wo che ghwoghwo kẹ ayen vwẹ ọke rọye.