Aizaya 28:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kono o yono aghwanre, kono ọ faotọ re ovuẹ na kẹ? Ke emọ re bru evie nure gbine e re mu je evie vwo?

Aizaya 28:9 Referans Kwoze

Une rẹ Ejiro 131:2

Ẹkẹvuọvo me vwẹ ẹnwẹ mẹ te otọ fọfọ riei, kerẹ ọmọfofa rọ fọre gbiẹi vwe unu re evie re oni rọye, kere ọmọfofa ro fọre gbiẹi ọye ẹnwẹ mẹ epha.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Iyẹnrẹ Esiri ri Jọn 12:38

ọye kọye ota rẹ omraro Aizaya tare na vwọ mrasan gba; Ọrovwohwo, ono ri se iyẹnrẹ rẹ avwanre gbuyota, ono a vwẹ igbabọ rẹ Ọrovwohwo phia kẹ?

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

Iyẹnrẹ Esiri ri Jọn 3:19

Ọnana hẹ obruhwe na, nẹ urhukpe na rhe akpọ na nure, ihwo da guọnọ ebri jẹ urhukpe na vwo, fikiridie uruemu rayen ọbrabra.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

Iyẹnrẹ Esiri ri Mak 10:15

Uyota mẹ ta kẹ ovwan, ohwo kohwo rọ reyọ uvie rẹ Ọghẹnẹ kerẹ omotete-e, ọ sa ruo-o.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Isẹ 1:29

Fikiridie erianriẹn tu ayen oma ayen rha jẹ oshọẹdjẹ rẹ Ọrovwohwo reyọ-ọ,

Une rẹ Ejiro 50:17

Kidie oma re ẹghwọ tu we, kọye wo vwo gere ota mẹ phihọ uko.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 30:20

O da tọhọ dianẹ Ọrovwohwo ke we ikara re ukpokpogho kugbe ame re ọdjarhe, dede na Oyono wẹn gbi se si oma nu ọfa-a, ẹkẹvuọvo ẹro wẹn cha mrẹ Oyono wẹn.

Aizaya 28:26

Kidie eyoniro gba; Ọghẹnẹ rọye yoniro.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Jerimaya 35:13

Enẹ Ọrovwohwo rẹ otuofovwi, Ọghẹnẹ rẹ Izrẹl na tare: Yanran ra ta kẹ eshare ri Juda vẹ ihwo re dia Jerusalẹm, Wa reyọ uyono re wa kerhọn rẹ eta mẹ? Eriyin Ọrovwohwo tare.