Aizaya 28:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 28:7 Referans Kwoze

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Aizaya 19:14

Ọrovwohwo phi erhi rẹ ọguọgua erhi rẹ ozighi; ọ da nẹrhẹ Ijipt gele vwẹ idjerhe rọye ejobi kirobo rẹ ọdaidi gele vwẹ ekpakpa rọye.

Aghwoghwo 10:17

Aghọghọ kẹ wẹ, E otọ, vwẹ ọke rẹ ovie wẹn da dia omuvwiẹ rẹ ihwo, rẹ isun wẹn da re orẹ vwẹ omamọ rẹ ọke, vwẹ ọ rẹ ogangan, ọ dianẹ kẹ ọ rẹ udiẹda-a!

Isẹ 20:1

Udi vwẹ ohwo jehwe, udi ọgangan nẹrhẹ ohwo phihọ ohọnre; ohwo rẹ udi sun ghwru yo vwo ọhọ-ọ.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Une rẹ Ejiro 107:27

ayen re gele yẹnghrẹ kerẹ ohwo rẹ udi muẹ, ofu de dje ayen hwe

Ẹfesọs 5:28

Mrẹmrẹ ọtiọye eshare na guọnọ eya rayen kerẹ omobọ rayen. Ohwo rọ guọnọ aye rọye yọ guọnọ omobọ rọye.

Izikiẹl 44:21

O rhe vwo orherẹn rọ da udi-i, vwẹ ọke rọ da ro obo ẹtan rẹ ọguan na.

Izikiẹl 13:7

Wọ je mrẹ emramrẹ rẹ ọphiẹnvwẹ, wọ je bọ epha rẹ ofia-an, vwẹ ọke wọ da tanẹ, Ọrovwohwo ye tarọ, dede na ye me ta ota kẹ wẹ-ẹ?

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.

Jerimaya 23:13

Vwẹ evun rẹ emraro ri Sameria na me da mrẹ emuọvo rẹ ọchọre, ayen vwẹ Baal mraro ayen de sun Izrẹl rẹ ihwo mẹ ghwru.

Aizaya 29:11

Eta ra arọẹmrẹ nana ejobi rhi hirhe phihọ ota rẹ obe ra tangbe. Ọke ra da vwọ kẹ ọvo no gbe se re, ne, Se ọnana, ọ da ta, Mi se se-e, kidie a tanrọ gbe.

Aizaya 24:2

Eriyin ọ cha dia, obọ rọ dia kẹ ihwo na, ọtiọye ọ je dia kẹ irherẹn na, obo rọ dia kẹ ọviẹn, ọtiọye ọ je dia kẹ ọrovworo, obo rọ dia kẹ ukọpha, ọtiọye ọ je dia kẹ ọpha, obo rọ dia kẹ ọ rọ dẹ, ọtiọye o je dia keẹ ọrọshẹ, ọbo rọ dia kẹ ọ ro momo kẹ ihwo ọtiọye ọ je dia kẹ ọ re o momo kẹ obo rọ dia kẹ ọrọvwigho ọtiọye ọ je dia kẹ ọriesa.

Aizaya 22:13

gbe nighere, aghọghọ vẹ omavwerhe, e hwe irhuẹn e hwe igodẹ, e ria uvwo rẹ eranvwe ayen da idi. Jẹn avwanre re ra da, kidie odẹ rọ cha ki me ghwu.

Aizaya 5:22

Ekan ke otu re dia egba rẹ idi ẹda, re goma rẹ idi ogangan ẹgua,

Aizaya 5:11

Ekan ke ihwo ri vrẹn vwẹ irhiọke rhirhi rere ayen djẹ nene idi egangan, ri tidia rhirin re te ovwọvwọn bẹsiẹ rẹ idi vwo mu ayen!

Isẹ 23:30

Ayen otu re diotọ krekri hẹrhẹ udi ẹda, ayen otu re guono udi ra guare da.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 43:27

Ọsẹ wẹn rẹ ẹsosuọ ru imwemwu, ivwrohọnre wẹn gbe vwe ku.

Hosia 7:5

Vwẹ ẹdẹ rẹ ovie re avwanre na, isun na de she ọga fiki rẹ ọrhorho rẹ udi, ọ vẹ otu re vwẹ ihwo jehwe gbe yoro obọ phia.

Habakọk 2:15

Ekan kẹ ohwo rọ riẹriẹ ọrivẹ rọyc phihọ udi ẹda vwẹ ukọ rẹ ophu rọye, rọ da nẹrhẹ idi muọ, rere ọ de bẹrẹ ẹro ni omaẹvuọ rayen!

Habakọk 2:16

Ehwẹjẹ kọ che dje we ọvẹn ọ rha dia urinri-nn. Da udi, phihọ oma wen, rere wo gele! Uko rọ hẹ obọrhe rẹ Ọrovwohwo na kọ cha riẹriẹ owẹ phihọ, omaẹvuọ kọ che rhurhu urinrin wẹn!

Aizaya 5:23

ri siobọ nẹ ọ rọ reabe fiki rẹ udi ẹriọ, ayen mi mie ọvwata ase rọye!