Aizaya 28:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Etiyin na ọphọ ro wọ vẹ ughwu rere na ya chọre, obọ echuro wẹn vẹ ushi na gbi mudia-a; vwẹ ọke rẹ ọtieko rode na da cha wan vrẹn kọ cha teyọ owẹ she.

Aizaya 28:18 Referans Kwoze

Aizaya 7:7

Enẹ Ọrovwohwo Ọghẹnẹ tare O che se mudia-a, O che se ruo-o.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:3

Erhu rẹ uvie rẹ eheri rẹ ọgba rẹ idi rẹ Ifrem ke che chiyo wan,

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.

Ẹvwọphia 12:15

Ọrọdekọ na de won ame buebu nẹ unu rọye rhe ku aye na, rere ọkẹre rọye vwo mu aye na yanran.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Jerimaya 47:2

Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 2:15

vwọ kẹ uwevwi kuwevwi rẹ ẹrhẹrẹ vwọ kẹ ogba kogba re firi,

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Izikiẹl 13:11

Ta kẹ ihwo re vwẹ oda darọ na nẹ o che she! Osio rẹ oghwe cha rhọ, ibieragha ride che vwrẹ she, ogiribo ọgangan che dju.

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.