Aizaya 28:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ ọtiọye na kẹ enẹ ota rẹ Ọrovwohwo cha dia kẹ ayen urhi kpahe urhi, urhi kpahe urhi, usi vwọ kpahe usi, usi kpahe usi, etinẹ emerha, etiyin emerha, rere ayen vwọ yanran, re she kpuko, kẹ ayen vwirhi, ufi ko mu ayen, ke mu ayen reyọ.

Aizaya 28:13 Referans Kwoze

Matiu 13:14

Kẹ ọna aroẹmrẹ rẹ Aizaya vwọ sẹ rọ tare nẹ, Ovwan se nyo, yẹ ovwan riẹn otọ rọye-e, Ovwan sa mrẹ, yẹ ovwan se vughe-e.

2 Pita 3:16

rọ vwọ ta ota rẹ nana kirobo ro ruẹ vwẹ evun rẹ ẹbe rọye ejobi. Emu evo hẹ evun rẹ ayen re epha bẹnbẹn re sa ro ohwo-o, re ihwo ughẹghẹ rẹ owọ rayen gan vwẹ otọ-ọ kuẹrhẹriẹ kẹ ẹghwọrọ robọ rayen, kirobo rẹ ayen ruẹ kẹ ẹbe efuanfon ri chekọ na.

Matiu 21:44

Ohwo ro she teyọ oragha nana kọ guọghọ yẹghẹyẹghẹ; ẹkẹvuọvo oragha na de she nyẹ ohwo kọ guọghọ ivwivwuvwu.

Aizaya 28:10

Kidie urhi vwo kpahe urhi, urhi kpahe urhi, usi vwo kpahe usi, usi kpahe usi, etinẹ emerha, etiyin emerha.

Une rẹ Ejiro 69:22

Gbe jẹn imẹjẹ rẹ obọ rayen rhoma hirhe phihọ ugodo kẹ ayen, jẹn orẹ rẹ izobo rayen hirhe phihọ ufi kẹ ayen.

2 Kọrẹnt 2:16

vwọ kẹ ọvo ọnrhe ororo nẹ ughwu kpo ughwu, vwọ kẹ efa ọnrhe ororo nẹ arhọ kpo arhọ. Kono ri teri ke imu nana?

Ọbe ri Pọl si rhe Ihwo ri Rom 11:9

Devid tare, Gbe jẹ orẹ rayen hirhe phihọ ugodo vẹ ufi, uyere kugbe ekan kẹ ayen.

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

Hosia 8:12

Ọ dianẹ mi si irhi mẹ vwọ kẹ abọ uriori ihwe dede, ke dia gedegede kẹ ayen.

Aizaya 59:10

Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.