Aizaya 26:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 26:20 Referans Kwoze

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Une rẹ Ejiro 27:5

Kidie o se si vwe nu vwẹ odjahọ rọye vwẹ ẹdẹ re ukpokpogho; o che si vwe nu vwẹ otọ rẹ ibọkpọ rọye, kọ kpare ovwẹ mudia vwẹ enu rẹ oragha.

Matiu 6:6

Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba.

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Une rẹ Ejiro 17:8

Sẹro mẹ kerẹ ọmẹro na, si vwe nu vwẹ otọ rẹ uhoho rẹ ibekpe wẹn,

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Une rẹ Ejiro 32:7

Wẹ asan odjahọ mẹ, Wẹ ri sivwi vwe nẹ ukpokpogho, wẹ re reyọ esivwo vwo rhuo vwe yariẹ.

Aizaya 51:4

Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Une rẹ Ejiro 91:1

Ohwo rọ dia otọ re ophie rẹ Oro Me Kpenu na, rọ dia evun re uhoho rẹ Ọrovwogangan na,

Une rẹ Ejiro 31:20

Vwẹ uhoho rẹ opharo wẹn, etiyin wo de si ayen nu nẹ ẹro rẹ ihwo, we re yọnrọn ayen vwẹ otọ rẹ urhurho wẹn ne oseghe rẹ ẹrenvwe buebu.

Izikiẹl 11:16

Fiki rẹ ọtiọye na, Enẹ Ọrovwohwo Ọghẹnẹ tare. Dede nẹ mi mu ayen yanran shesheri phihọ ohri rẹ ẹgborho efa, dede nẹ me hra ayen vwẹ ohri rẹ ẹkuotọ efa, ye me je dia ẹshẹ kẹ ayen vwẹ ọmọke vwẹ ẹkuotọ rẹ ayen ra re na.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Une rẹ Ejiro 143:9

Sivwi uvwe, E Ọrovwohwo, nẹ obọ rẹ ivwighrẹ mẹ! Me dje bru we rhe ri si oma nu!

Une rẹ Ejiro 57:1

Ni arodọvwẹ Me, E Ọghẹnẹ, ni arodọvwẹ mẹ, kidie evun wẹn ẹnwẹ mẹ de si oma nu; vwẹ ophie rẹ ibekpe wẹn me da djahe, bẹsiẹ rẹ ogiribo rẹ ẹguọghọ na vwọ wanvrẹn.

Jẹnẹsis 7:1

Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

Jerimaya 31:14

Ke me vwẹ emu esiri buebu vwọ ghẹrẹ ẹnwẹn rẹ irherẹn na, erhuvwu mẹ cha vọn ihwo mẹ evun, eriyin Ọrovwohwo tare.

Jẹnẹsis 7:16

Ayen da ruọ, ọshare vẹ aye rẹ emama na ejobi, kirobo rẹ Ọghẹnẹ dje kẹ, Ọrovwohwo de huho gbe.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

ỌBE RẸ JOB 14:13

E manẹ wọ sivwe nu vwẹ Erivwi vwonẹ, ku wa vwẹ ovwẹ djahe bẹsiẹ rẹ ophu wẹn vwo fue, mane we bru ẹkẹ kẹ vwẹ, wọ vwọ karohọ ovwẹ!

Isẹ 22:3

Ọvwiroro da mrẹ ukpokpogho rọ cha kọ sioma rọye reyọ; ẹkẹvuọvo ẹkpa da họrhọ ruọ, kọ re oja.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Une rẹ Ejiro 57:2

Mi kperi se Ọghẹnẹ ro me Kpenu, kẹ Ọghẹnẹ ro ru ẹguọnọ rọye gba kẹ vwẹ.

Une rẹ Ejiro 94:13

vwọ kẹ ofuvwegbe nẹ evun re ukpokpogho, bẹsiẹ ra vwọ tọn ukpotọ ohwo umwemwu.