Aizaya 26:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Aizaya 26:19 Referans Kwoze

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Matiu 27:52

Ishi rẹ ihwo efuanfon rẹ Ọghẹnẹ ri ghwuru rhabae de mu rhie, irivwi re herọ da varhe;

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Hosia 6:2

Ẹdẹ ivẹ da wan nu kọ rhọvwọ avwanre: ẹdẹ rerha kọ kpare avwame vrẹn, rere ma vwọ sa dia obaro rọye.

Une rẹ Ejiro 71:20

Wọwẹ ri ru vwe vwọ mrẹ ikpokpogho edjadja buebu wẹ re rhoma rhọvwọ ovwẹ; ne obo okokodo rẹ akpọ na rhe oboyi wọ da reyọ ovwẹ rhivwi rhe.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Filipae 3:21

ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

Zekaraya 8:12

Kidie ekọn rẹ ufuoma cha dia, vain cha mọ emamọ rọye, otọ na cha ghwẹ ebuo rọye rhe, idjuvwu che rho irho ki mi che ru imihwo ri chekọ vwọ reuku rẹ emu nana ejobi

1 Kọrẹnt 15:20

Ẹkẹvuọvo vwẹ ọ rẹ uyota Kristi ghine vrẹn nẹ ughwu rhe, ọye hẹ omamọ rẹsosuọ rẹ ayen otu ri ke ghwu.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Filipae 3:10

rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

Une rẹ Ejiro 22:15

Ogangan mẹ yamu kere igbephẹre, ẹrẹnvwe mẹ yamu vwe ọhwa, wọ da vwẹ ovwẹ sherhẹ ekpẹn rẹ ughwu.

Urhi Rivẹ 33:28

Ọye Izrẹl da dia egherhẹnẹdẹn, ẹtẹrhe ri Jekọp ọvo, vwẹ otọ rẹ eka vẹ wain; uyota obenu rọye na sun ọphogho cha.

Iruo rẹ Iyinkọn na 24:15

vẹ iphiẹrohọ kpahe Ọghẹnẹ rẹ ekpuyovwi rẹ ayen vwori, nẹ evrẹnushi herọ kẹ ihwo, te ihwo ọsoso te i ri jẹ ọsoso ẹdia.

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Urhi Rivẹ 33:13

Ọ ta kpahe Josẹf nẹ, Ọrovwohwo bruba kẹ otọ rọye, Ọrovwohwo ghwẹ ẹse rẹ obo odjuvwu vọn, kugbe okokodo rọ djẹ vwẹ obo otọ na

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Matiu 27:58

O de bru Pailet ra, ra yare orivwi ri Jesu. Pailet da rhọvwe kẹ.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

ỌBE RẸ JOB 29:19

Awọ mẹ da tan re fiẹ ame, Irho de rho ku eghọn mẹ vwẹ ason na ejobi.

1 Samuẹl 2:6

Ọrovwohwo hwe ghwẹ ọye ọvo re je rhọvwọ; ọ vwẹ ohwo kpo erivwi ọ me je kparọ vrẹn.

Une rẹ Ejiro 22:29

E wẹ ọye otu ri herẹ vwẹ akpọ na ejobi che shiguẹ kẹ otu ri kpo obo ekpẹn vwẹ akpọ na ejobi cha vwẹ uyovwi te otọ kẹ, ohwo se sivwi omaobọ rọye rhọ-ọ.

Aizaya 18:4

Kidie enẹ Ọrovwohwo ta kẹ vwe; Me cha jomaotọ dia adia mẹ de ni kerẹ oghẹruvo rọ nabọ fiotọ, kerẹ ukori rẹ evwru vwẹ ọke orho.

ỌBE RẸ JOB 14:8

Owenẹ owọ rọye kriri vwẹ otọ na, rẹ uchuku rọye de ghwu vwẹ otọ na,

Une rẹ Ejiro 88:11

E se dje ẹguọnọ wẹn ro je rhẹriẹ vwẹ evun rẹ ushi, eyẹ esegbuyota vwe evun rẹ Abaddọn?