Aizaya 26:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Aizaya 26:16 Referans Kwoze

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

Jerimaya 22:23

E ohwo rọ dia Lebanọn, rọ bọn ẹho phihọ ohri ri igedu. Mavọ wọ guan te re odjadja de bru we rhe, ọtie odjadja rẹ aye rọ chuẹ uvwiẹ!

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Une rẹ Ejiro 142:2

Me nẹ iyẹnrẹn mẹ ejobi kẹ, Me ta ukpokpogho mẹ ejobi kẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

1 Samuẹl 1:15

Ẹkẹvuọvo Hanah da kpahe, Ẹjo, ọrovwovwe, Mẹvwẹ aye rẹ ivun dia djọghọ djọghọ; Me da wain siẹvo kẹ udi ọganga-an, ẹkẹvuọvo ọdavwẹ mẹ ọye me ta kẹ Ọrovwohwo.

Ukeri 21:7

Ihwo na de bru Mosis rhe, ayen da ta, Avwanre ru imwemwu, kidie, avwanre harhẹ Ọghẹnẹ vẹ ekpuyovwi wẹn; biko rẹ Ọrovwohwo kẹ avwanre rere o si eredekọ na nẹ uherevie rẹ avwanre. Etiyin Mosis da rẹ kẹ ihwo na.

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Iguẹdjọ 10:15

Ihwo rẹ Izrẹl da ta kẹ Ọrovwohwo na nẹ Avwanre ru umwemwu nure; ru avwanre obo ri je we, gbe di sivwi avwanre, avwanre rẹ wẹ, vwẹ ẹdẹ ri nonẹ.

Une rẹ Ejiro 27:8

We re tare, Guọnọ opharo mẹ Udu mẹ da ta kẹ wẹ, Opharo wẹn Ọrovwohwo, ọye me guọnọ.

Une rẹ Ejiro 77:3

Mi de roro Ọghẹnẹ, mi de beroma; Mi de se umẹ, erhi mẹ ko sherua.

Une rẹ Ejiro 78:34

Ọke rọ vwọ ghwiẹ ayen hwe, ayen da guọnọ, ayen kurhẹriẹ ayen da vwẹ oma kpotọ guọnọ Ọghẹnẹ.

Jerimaya 29:12

Kẹsiẹye we ki se vwe rhe nẹ ẹrhovwo kẹ vwẹ, ki mi nyo ovwan.