Aizaya 26:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo wẹ ri ru irere na bu, E Ọrovwohwo, wẹ ri ru irere na bu, wẹ ọye e jiri, wẹ re hẹre ughwru rẹ otọ na.

Aizaya 26:15 Referans Kwoze

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 30:19

Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 33:17

Ẹro wẹn kọ mrẹ ovie na vwẹ erhuvwu rọye; ke ayen che ni otọ ro riẹn yanran phei,

Nehemaya 9:23

Wọwẹ ri ru uvwiẹ rayen bu phihọ kerẹ isio re obo odjuvwu, wọ da vwẹ ayen rhe otọ ru wọ ta kẹ esẹ rayen ne ayen ruọ rere ayen vwo.

Urhi Rivẹ 10:22

Ihwo ujorha gbe ihwe esẹ wẹn vẹ ayen gbe kpo Ijipt; Asakiephana Ọrovwohwo Ọghẹnẹ na ru we bu phihọ kerẹ isio rẹ obenu.

Ukeri 23:10

Ono ri se kere ibiekpẹn rẹ otọ ri Jekọp, eyẹ se keri ẹkẹn ẹne rẹ Izrẹl? Jẹn uvwe ghwu ughwu rẹ ọvwata, rere oba mẹ họhọ Ọtiọye!

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 6:12

rẹ Ọrovwohwo da kua ihwo na shesheri, asan ra kua jovwo ke cha dia buebu vwẹ uherevie rẹ otọ na.

Ivie rẹ Ivẹ 23:27

Ọrovwohwo na da ta, Mi che si Juda nẹ obaro mẹ kirobo ri mi ru Izrẹl, ke me cha kpare orere nana re me jẹreyọ na kufia, Jerusalẹm, uwevwi re me tare, nẹ ọde mẹ cha dia etiyin.

Ivie rẹ Ivẹ 17:23

bẹsiẹ rẹ Ọrovwohwo ri vwo si Izrẹl nẹ obaro rọye kirobo rọ wan oma rẹ idibo rọye emraro ejobi na ta. Kọye a da kua Izrẹl nẹ otọ rayen vwo kpo Asiria ra dia ighuvwu re te ẹdẹ ri nonẹ na.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

1 Ivie 8:46

Ọ da dianẹ ayen ru umwemwu kpahe owẹ–kidie o vwo ohwo ro jẹ umwemwu eruo-o rẹ ivun rẹ ayen de miovwo uwe, ru wo de siobọ nẹ ayen kẹ ọvweghrẹ, re de mu ayen ighuvwu kpo otọ rẹ ivwighrẹ na, ọ kẹre eyẹ o sheri;

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

ỌBE RẸ JOB 12:23

O ruẹ ẹgborho rhua, Ọ me rha guọghọ ayen, O ruẹ ẹgborho rua, ọ mi sun ayen yanran.

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.