Aizaya 24:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Aizaya 24:20 Referans Kwoze

Aizaya 19:14

Ọrovwohwo phi erhi rẹ ọguọgua erhi rẹ ozighi; ọ da nẹrhẹ Ijipt gele vwẹ idjerhe rọye ejobi kirobo rẹ ọdaidi gele vwẹ ekpakpa rọye.

Emọs 8:14

Ihwo re vwẹ Ashima ri Sameria duvwu iyori, tanẹ, Kirobo rẹ ẹdjọ wẹn herọ na, E Dan, ji kugbe obo rẹ idjerhe ri Bẹẹrsheba herọ na, ayen che she, ayen gbi vrẹn ọfa-a.

Daniẹl 11:19

Etiyin ko che hirhe epharo rọye ku ogba rẹ otọ rọye; ẹkẹvuọvo ọ cha kprowọ o mi she, a gbe cha mrẹ-ẹ.

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Ẹvwọphia 18:21

Etiyin amakashe rode na de mu oragha rode na, o de phio teye abadi na kerẹ ukerẹkpẹn rode, tanẹ, Ọtiọye e chi phi Babilọn orere rode na teye otọ vwẹ ozighi, a gbe cha mrẹ ọfa-a;

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Jerimaya 8:4

Ku wọ ta kẹ ayen, Enẹ Ọrovwohwo na tare, Ihwo de she, e gbe rhoma vrẹ? Ohwo de rhivwi kpuko, o gbi kuẹrhẹriẹ?

Aizaya 43:27

Ọsẹ wẹn rẹ ẹsosuọ ru imwemwu, ivwrohọnre wẹn gbe vwe ku.

Aizaya 38:12

A kọrọ edia mẹ nu o de si nẹ uvwe oma kerẹ aphiana rẹ osuigode, kere ọ ro rhuo amwa, ọtiọye mi kpirhi akpọ mẹ koko, o de bru vwe kufia nẹ usioruru, ne uvo re te ason wo vwo si vwe kere oba rẹ akpọ mẹ.

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Une rẹ Ejiro 107:27

ayen re gele yẹnghrẹ kerẹ ohwo rẹ udi muẹ, ofu de dje ayen hwe

Une rẹ Ejiro 38:4

Kidie orukuruku mẹ phoro uyovwi mẹ, e họhọ nọ oghwa kẹ vwẹ.

ỌBE RẸ JOB 12:25

Ayen ghoro abọ yan vwẹ ebri ro vwo urhukpẹ-ẹ; kọ nẹrhẹ ayen gele kerẹ ohwo rẹ idi muẹ.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Jẹnẹsis 41:31

ororo na a gbe karophihọ-ọ fiki re owẹvwe ọgangan ro che nene na, kidie ọ cha gan gangan.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.