Aizaya 24:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Eriyin ọ cha dia, obọ rọ dia kẹ ihwo na, ọtiọye ọ je dia kẹ irherẹn na, obo rọ dia kẹ ọviẹn, ọtiọye ọ je dia kẹ ọrovworo, obo rọ dia kẹ ukọpha, ọtiọye ọ je dia kẹ ọpha, obo rọ dia kẹ ọ rọ dẹ, ọtiọye o je dia keẹ ọrọshẹ, ọbo rọ dia kẹ ọ ro momo kẹ ihwo ọtiọye ọ je dia kẹ ọ re o momo kẹ obo rọ dia kẹ ọrọvwigho ọtiọye ọ je dia kẹ ọriesa.

Aizaya 24:2 Referans Kwoze

Hosia 4:9

Kirobo rẹ ihwo na epha, ọtiọye irherẹn na je epha; Me vwẹ oja re ayen fiki rẹ idjerhe rayen, ke me re ihri rẹ umwemwu rayen vwẹ obọ rayen.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 41:2

Ishmẹl ọmọ ri Netanaya vẹ ihwo ihwe na de vrẹn vwẹ ọlọkọ nyavwe Gedalaya ọmọ rẹ Ahikam, ọmọ ri Shafan, e de hwe ghwu, ohwo rẹ ovie ri Babilọn vwo mu osun rẹ otọ na.

Aizaya 5:15

Ohwo e siro wurhu, a reyọ ihwo vwo gbotọ, ẹro re ohwo umwemwu kọ dia karhiẹ.

Aizaya 2:9

Etiọye ayen phọphọ ohwo, ayen da vwẹ ihwo gbe otọ– wo vwo ghovwo aye-en!

2 Ikun rẹ Ivie 36:20

Ihwo re vabọ rẹ oda ejobi o de mu ayen kpo Babilọn, ayen da rhe dia eviẹn kẹ vẹ emọ rọye bẹsiẹ uvie ri Pẹsha rhe vwo ghwotọ,

Jẹnẹsis 41:50

Tavwe rẹ ikpe rẹ owẹvwe na ki rhi te, Josẹf vwiẹ emeshare ivẹ nure, rẹ Asenat, rẹ ọmọtẹ ri Potifera rẹ orhere ri On, vwiẹ kẹ.

Aizaya 24:3

Akpọ na ejobi ka guọghọ kakare ke miovwo; kidie Ọrovwohwo ta ọnana nure.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Uvwerhe 4:6

Kidie efafa ra fa ọmọtẹ rẹ ihwo mẹ rhonọ ehwe ri Sodom, ra guọghọre vwẹ ẹroẹbrẹ na, ọ dianẹ a vwẹ obọ te-e.

Uvwerhe 4:16

Okpuyovwi rẹ Ọrovwohwo ọvo cha hra ayen ejobi, o gbi che se ayen gbe emuọvo ọfa-a, ọghọ gbe herọ kẹ irherẹn na-a, ẹroesiri gbe herọ kẹ ekpakọ na-a.