Aizaya 24:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Me nyo une rẹ ejiro nẹ oba rẹ akpọ na rhe, rọ vwe urinrin kẹ Ọvwata na Ẹkẹvuọvo me da ta, Mi vwiorore, Mi vwioro kufia Ekan kẹ vwe! Kidie ohwo ogbarogba na ji ruẹ emu ogbarogba, ohwo ogbarogba na ji ruẹ emu ogbarogba gangan

Aizaya 24:16 Referans Kwoze

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Jerimaya 5:11

Fikiridie uwevwi rẹ Izrẹl kugbe uwevwi ri Juda gbe ọfarhiẹ rhurhu vwe miomiovwi, eriyin Ọrovwohwo tare.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Jerimaya 3:20

Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Iruo rẹ Iyinkọn na 13:47

Kidie ọtiọye Ọrovwohwo ta kẹ avwanre nẹ, Me vwẹ ovwan rhu kerẹ urhukpẹ kẹ ihwo ri Keferi na, rere ovwan vwọ ghwa esivwo kpo oba rẹ akpọ na.

Iyẹnrẹ Esiri ri Mak 13:27

Etiyin ko che ji emakashe na, re koko otu ra jẹreyọ na nẹ igogo ẹne rẹ akpọ na rhe nẹ oba rẹ akpọ na re rẹ oba rẹ odjuvwu.

Habakọk 1:3

Die wọ vwọ nẹrhẹ ovwẹ mrẹ oruchọ re me vwọ kparo nẹ ukpokpogho? Eghwọrọ vẹ ozighi gbere obaro kẹ vwẹ; ẹghwọ vẹ aphro vwọ kpahe ovwẹ chachacha.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Jerimaya 12:6

Kidie iniọvo wẹn vẹ uwevwi rẹ ọsẹ wẹn, de gbe ozighi kpahe owẹ rẹ ayen ejobi de kperẹ nene uwe tuatuatua, wo se ayen gbuyota-a, owenẹ ayen ta avwerhe kẹ wẹ.”

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 28:5

Vwẹ ẹdẹ yena Ọrovwohwo rẹ otuofovwi na ko dia erhu rẹ uvie rẹ urinrin, kugbe irhu rẹ erhuvwu, kẹ umuku rẹ ihwo rọye;

Aizaya 26:15

Ẹkẹvuọvo wẹ ri ru irere na bu, E Ọrovwohwo, wẹ ri ru irere na bu, wẹ ọye e jiri, wẹ re hẹre ughwru rẹ otọ na.

Aizaya 17:4

Vwẹ ẹdẹ yena ka cha vwẹ urinrin ri Jekọp hwa otọ, ivwri rẹ uvwo rọye ki che si dọn.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Une rẹ Ejiro 106:15

Ọ da kẹ ayen obo rẹ ayen nọre, ẹkẹvuọvo o de ji emiavwe ro hwe ihwo rhe ohri rayen.

Une rẹ Ejiro 98:3

Ọ karohọ ẹguọnọ rọye ro jẹ rhẹriẹ vẹ esegbuyota rọye kẹ uwevwi rẹ Izrẹl. Oba rẹ akpọ na ejobi rhe mrẹ obọẹkparọ rẹ Ọghẹnẹ rẹ avwanre.

Une rẹ Ejiro 67:7

Ọghẹnẹ bruphihọ kẹ avwanre nure; jẹn oba rẹ akpọ na ejobi djẹ oshọ rọye!

Une rẹ Ejiro 58:10

Ọvwata na cha ghọghọ vwẹ ọke rọ da mrẹ ihri ẹriọ; kọ cha hworhẹ awọ rọye vwẹ ọbara rẹ oruimwemwu na

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Livitikọs 26:39

Ihwo ri rhe chekọ vwẹ ohri rẹ ovwan ke cha hanvwe phihọ vwẹ otọ rẹ ivwighrẹn rẹ ovwan fiki rẹ orukuruku rayen, fiki rẹ umwemwu re ese rayen kẹ ayen hanvwe phihọ

Une rẹ Ejiro 65:8

ọtiọye na ayen otu re dia obo ẹtan rẹ akpọ ke djẹ oshọ rẹ oka wẹn; wọwẹ ri ru ẹcha rẹ irhiọke vẹ ovwọnvwọn vwo kperi ukperi rẹ aghọghọ

Une rẹ Ejiro 119:158

Mi ni ohwo ro segbuyota-a vẹ ohọre ẹkparọ fikiridie ayen yọnrọn irhi wẹ-ẹn.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Habakọk 1:13

Wẹ rẹ ẹro rọye fon nọ o rhe ju we vwo ni umiovwo-o, o rhe ju we vwo ni obo re chọre-e, kidie wo rhe nẹ ihwo ri je segbuyota, ru wọ vwọ fọ rẹ ihwo umwemwu vwo mu vwe rọ ohwo rọ dia ọvwata nọ?

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!