Aizaya 23:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Jẹn otọ wẹn ku wan reghe reghe kerẹ Nile, E Ọmọtẹ ri Tarshish, a gbe sa daji ọfa-a

Aizaya 23:10 Referans Kwoze

Aizaya 23:14

Beroma, E ekpo rẹ erhanre ri Tarshish, kidie ogba ọgangan a guọgherọ te otọ.

Une rẹ Ejiro 18:32

Ọghẹnẹ rọ vwẹ ogangan rhuo vwe, ro ru idjerhe mẹ fuefu

ỌBE RẸ JOB 12:21

O ku omẹvuọ kuẹ emọ re ivie, ọ me rhan umuehu rẹ ọgba na.

1 Samuẹl 28:20

Sọl da riẹn gbagbaragba phihọ otọ, ọ vọnre vẹ oshọ fiki rẹ eta ri Samuẹl ta kẹ; ogangan ọvuọvo gbi rhe-e, kidie vwẹ ọsoso rẹ ẹdẹ yena ọ re emu ọvuọvo-o.

Ọbe ri Pọl si rhe Ihwo ri Rom 5:6

Kọye ọke rẹ avwanre rhe vwo ọchuko-o na, vwẹ ọke ro shehọ Kristi de rhi ghwu kẹ oruimwemwu.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Uvwerhe 1:6

Ọrho rẹ emete ri Zayọn ejobi nuro oma re. Isun rọye ke họhọ uzo rọ mrẹ egbri-i rọ djẹ o nẹ erhierhi kẹ otu re vwọ tua.

Aizaya 19:7

Oma rẹ Nile na kọ dia phẹphẹ kakare, vwẹ ẹgbẹn ri Nile na, kemu kemu ra kọnre vwẹ oma ri Nile na ke yamu, ka djẹ ayen kufia, e gbe dia ọfa-a.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 23:11

Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Izikiẹl 26:18

Asakiephana ibrotọ na ra phariẹ vwẹ ẹdẹ rẹ eshe wẹn; e, ibrotọ re hẹ obo abadi ofu de dje ayen hwe ra vwọ ghwọrọ owẹ.