Aizaya 22:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Aizaya 22:4 Referans Kwoze

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Matiu 2:18

Enyo urhuru vwi Rama, Edo rẹ oviẹ kugbe omemuohọ, Reshẹl ra viẹ kẹ emọ rọye; O gbe rhọvwe nẹ e bru ọye uche-e, kidie emọ na gbe herọ-ọ.

Maika 1:8

Fiki rẹ ọnana Me vwọ viẹ beroma; ke Me ghwiẹ amwa nu Me ba phihọ; ke Me viẹ kerẹ erha, mi muomahọ kerẹ ogomugoro.

Jerimaya 31:15

Enẹ Ọrovwohwo tare: E nyo urhuru vwi Rama, unuebo vẹ oviẹ ọgangan, Rechẹl herọ viẹ kẹ emọ rọye; ọ siẹn uchebrọ fiki rẹ emọ rọye na, fikiridie ayen gbe herọ-ọ.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Une rẹ Ejiro 77:2

Vwẹ ẹdẹ rẹ ukpokpogho mẹ me da guọnọ Ọrovwohwo; vwẹ ọke rẹ ason me da hẹrẹ abọ mẹ ye oma rhọ vwẹ-ẹ; ẹnwẹ mẹ rha guọnọ nẹ e bru ọye uche-e.

Iyẹnrẹ Esiri ri Luk 19:41

Ọke ro rhi vwo si kẹrẹ rọ vwọ mrẹ orere na ọ da viẹ kẹ,

Iyẹnrẹ Esiri ri Luk 1:2

kirobo ra vwẹ ayen yono avwanre notọrhe, vwẹ unu rẹ ihwo re dia iseri rẹ ota na,

Jerimaya 8:18

E se fuẹ ophu mẹ-ẹ, Udu mẹ herọ mwọga.

Jerimaya 6:26

Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Aizaya 33:7

Kighe ihwo ri yivwaro re bunu vwe obo otafe, iyinkọn rẹ ufuoma ra viẹ gangan.

Aizaya 15:3

ayen vwẹ isiso rhuo vwẹ evun rẹ irhuvwu, vwẹ enu rẹ uwevwi kugbe evun rẹ ọsuere kohwo kohwo beroma ayen wran vwẹ ovie.

Jerimaya 9:18

Jẹ ọ phẹrẹ ayen obọ rere ayen rhe viẹ oviẹ kẹ avwanre, rere ibiẹro rẹ avwanre vwo sun ame, rere iphophẹro rẹ avwanre vwọ djẹ ame.

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Ẹsta 4:1

Ọke ri Modekai vwo nyo obo re ruru na, Modekai da bẹrẹ emwa rọye ọ da vwẹ isiso rhuo o de broma phihọ iwurhie, o de kpo evun rẹ orere na, ko beroma ọ da viẹ gangan.

Izikiẹl 21:11

Ọtiọye na e de siobọ nẹ ọlọkọ na rere a nabọ rie, rere o vwo je a yọnre; a nọrọ e de rie, rere e phio phihọ obọ re ohwe-ihwo.