Aizaya 17:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ka kua nẹ irere rọye bẹdẹ; ke cha dia ẹdia rẹ igodẹ, ri che sherhẹ te otọ, ohwo ọvuọvo gbe djẹ oshọ mu aye-en.

Aizaya 17:2 Referans Kwoze

Izikiẹl 25:5

Ki mi ru Rabbah phihọ otọ rẹ egbri vwọ ki kamẹl irere rẹ ihwo rẹ Ammọn kọ dia ogba rẹ igegede. Etiyin ku wọ riẹn nẹ mẹvwẹ ọye Ọrovwohwo na.

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Zẹfanaya 2:6

Ji te owẹ rhe, E erhuru na, egbri kọye cha djẹ vwẹ enu wẹ odi phiẹphiẹphiẹ kẹ otu ri suigodẹ kugbe ogba kẹ ekru rẹ igegede.

Maika 4:4

ẹkẹvuọvo dohwo dotọ ri vain kugbe fig rọye ki che tidia, ohwo ọvuọvo gbe djẹ oshọ mu aye-en, kidie unu rẹ Ọrovwohwo re otuofovwi na tarọ nure.

Urhi Rivẹ 2:36

Nẹ Aroer, rọ hẹ unu rẹ iyara rẹ Anọn na, ji nẹ orere rọ evun rẹ iyara na, tobọ re te Giliad, o vwo orere ọvuọvo rọ rho nọ kẹ avwanre-e; Ọrovwohwo Ọghẹnẹ rẹ avwanre na phi ayen ejobi phihọ abọ rẹ avwanre.

Ukeri 32:34

Emọ ri Gad da bọn Dibọn, Atarot, Arọẹr,

Jerimaya 48:19

Mudia vwẹ oma rẹ idjerhe wọ rhẹrẹ, E ihwo re dia Aroa! Nọ ọshare rọ djẹ vẹ aye rọ djẹ vabọ; nẹ, Die phiare vwo?

Urhi Rivẹ 3:12

Otọ nana avwanre reyọre vwo ru asan ra dia vwẹ ọke yena; nẹ Aroer, rọ akakọ rẹ iyara rẹ Anọn na, kugbe abọvo rẹ orere rẹ ugbenu ri Giliad na, vẹ irere re herọ ejobi, Me vwọ kẹ ihwo ri Reubẹn vẹ ihwo ri Gad;

Aizaya 7:21

Vwẹ ọke yena ohwo ko churu ọmọ rẹ erhuẹn kugbe imigodẹ ivẹ;

Aizaya 5:17

Ọke yena imigodẹ na ke cha re odi rayen, te ọghwara te ẹmẹvwe ke cha re kugbe vwẹ ohri rẹ iwevwi ri sheri na.

Joshua 13:16

Ọtiọye ubrotọ rayen da hẹre nẹ Aroer, ro egbẹ rẹ iyara rẹ Anọn, kugbe orere rọ uherevie rẹ iyara na, kugbe uphephẹ na ejobi rọ kẹrẹ Medeba,

ỌBE RẸ JOB 11:19

Ku wo shevwerhe te otọ, ohwo ọvuọvo gbe djẹ oshọ mu we-e, ihwo buebu ke cha guọnọ ẹroesiri wẹn.

Aizaya 7:22

fiki rẹ ameivie buebu ro che hwẹ kẹ, kọ re ameivie ri djeri; kohwo kohwo ro chekọ otọ na kọ re ameivie ro djeri kugbe ọnyọn.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Izikiẹl 39:26

Omẹvuọ rayen kọ chọrọ ẹro, kugbe emu rẹ ophiẹvwe ejobi re ayen ru kpahe ovwẹ, vwẹ ọke rẹ ayen da dia dẹndẹn vwẹ otọ rayen na rẹ ohwo ọvuọvo gbe sa djẹ oshọ mu aye-en,

Joshua 13:25

Ubrotọ rayen ki Jaza, kugbe irere ri Gilead ejobi, kugbe ubro rẹ otọ rẹ ihwo rẹ Ammọn, re te Aroer, rọ obaro ọnre vwi Rabbah,