Aizaya 16:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹkẹvuọvo Asakiephana Ọrovwohwo tare nẹ, Vwẹ ikpe erha, kerẹ ikpe rẹ ohwo re durhieri, urinrin ri Moab ka cha vwọ jehwẹ, vwẹ obo rẹ ihwo rọye bu te na, imihwo re cha rhọ ke dia hahavwe guọguọ

Aizaya 16:14 Referans Kwoze

Jerimaya 48:42

a cha ghwọrọ Moab o gbe dia ihwo ọfa-a, fikiridie o muoma kpenu kpahe Ọrovwohwo.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 21:16

Kidie enẹ Ọrovwohwo ta kẹ vwẹ Bẹsiẹ ro vwo te ẹgbukpe, kirobo rẹ ekere rẹ ohwo re durhieri epha urinrin ri Kedar ejobi ko che vwo oba,

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 17:4

Vwẹ ẹdẹ yena ka cha vwẹ urinrin ri Jekọp hwa otọ, ivwri rẹ uvwo rọye ki che si dọn.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 7:16

Kidie bẹsiẹ rẹ ọmọ na vwo riẹn obo ra sian ọbrabra ra jẹn ọresiri, otọ rẹ ivie ivẹ na ri mu ovwan oshọ na, ke cha dia ofefe.

Ẹsta 5:11

Etiyin Heman de kere urinrin rẹ efe kẹ ayen, uche emeshare ro vwiẹri ọtiẹ asan rẹ ovie muro kpenu te vẹ ọghọ re mu kẹ, obo ro muro kpenu te vwẹ usun rẹ isun vẹ idibo rẹ ovie ejobi.

Urhi Rivẹ 15:8

ẹkẹvuọvo we mi rhie obọ phihọ kẹ, rere we momo uche rọ guọnọre ejobi kẹ.

Jẹnẹsis 31:1

Vwẹ ọke yena Jekọp de nyo rẹ emọ ri Laban vwọ tanẹ, Jekọp ghwe eyere rẹ ọsẹ rẹ avwanre reyọ, eyere rẹ ọsẹ rẹ avwanre na kọye o vwo fe na.

ỌBE RẸ JOB 7:1

Ohwo rhe vwo owian ọbẹnbẹn vwẹ akpọ na, rẹ ẹdẹ rọye da họhọ ẹdẹ rẹ ohwo re durhie iruo?

ỌBE RẸ JOB 14:6

ku ẹro fia, rere wo da obọ ji, rere ọ mrasa ghọgho vwẹ ẹdẹ rọye, kerẹ ọredurhieri.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 16:13

Ọnana ota rẹ Ọrovwohwo tare kpahe Moab rhabae rhe.

Aizaya 25:11

Kọ hẹre abọ rọye vwẹ uherevie kerẹ ohwo ro rhẹrhẹ rọ riẹn abọ vwọ rhẹrhẹ; ẹkẹvuọvo Ọrovwohwo cha rhare eheri rọye kugbe ona re abọ rọye te otọ riẹriẹriẹ.