Aizaya 16:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ ọke ri Moab da vwẹ oma rọye phia, rọ da laghoma rọye bẹn vwẹ enu rẹ asan ro kpenu, rọ da rhe ẹshẹ rọye re nẹ ẹrhovwo, ọ gbe sa kparobọ-ọ.

Aizaya 16:12 Referans Kwoze

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Jerimaya 48:35

Ki mi che fue vwi Moab, ohwo ro ze izobo vwẹ asan ro kpenu na rọ je torhẹ ugboduma kẹ edjọ rọye, eriyin Ọrovwohwo tare.

1 Ivie 18:29

Rẹ ọnre vwọ gẹrẹ re, yẹ ayen di muẹ gbọ rhiri rhi te ọke re izobo rẹ ovwọnvwọn, ẹkẹvuọvo e nyo urhuru ọvuọvo-o; ohwo ọvuọvo nyori-i ohwo ọvuọvo davwerhọ-ọ.

Ukeri 23:28

Etiyin Balak da reyọ Balaam kpo enu ri Peọr, ro hirhe aro ku aton.

Ukeri 23:14

Ọ da reyọ kpo aghwa ri Zofim, vwẹ enu ri Pisgah, ọ da so egbada ighwrẹn, ọ da vwẹ erhuẹn ọvo kugbe egbo ọvo vwo ze izobo vwẹ agbada ọvuọvo.

Ukeri 22:39

Etiyin Balaam vi Balak da yanran, ayen de rhi te Kiriath-hu-zoth.

Jerimaya 48:46

Ekan kẹ wẹ, E Moab! Ihwo rẹ Kemosh ghwru nure; kidie e mu emọ wẹn ighuvwu e mu emetẹ wẹn kpo ighuvwu.

Jerimaya 48:13

Kẹsiẹye oma rẹ Kẹmosh ke vo Moab, kirobo rẹ oma rẹ Bẹtẹl vo uwevwi rẹ Izrẹl rẹ ayen vwẹ ẹro so ye.

Jerimaya 48:7

Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

Jerimaya 10:5

Edjọ rayen họhọ ikroro re vwo guegue emephran vwẹ aghwa, ayen sa ta ota-a, e mu ayen ghwa kidie ayen sa ya-an We brẹ udu raye-en kidie ayen se ru umiovwo-o, eyẹ erhuvwu je nẹ oma raye-en cha-a.

Aizaya 47:13

Aghwanre buebu re dje ke we na ghwọrọ owe oma, jẹn ayen nabọ mudia re ayen sivwi uwe, ayen ihwo re ghare idjuvwu na, re tọn ẹro vi re tọn ẹro vi isio re he obenu na, re vwẹ emeranvwe ọkpokpọ mraro die re cha phia kẹ wẹ.

Aizaya 37:38

Ọke rọ vwọ gọ ẹdjọ rọye Nishrọk vwẹ uwevwi rẹ ẹdjọ na re, Adrammelẹk kugbe Sharezar re emọ rọye, da vwẹ ọlọkọ nyavwọ hwe, ayen da djẹ kpo otọ rẹ Ararat Esarha-dọn da re vwẹ ẹdia rọye.

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Isẹ 1:28

Ọke yena kẹ ayen che kperẹ se vwe, ẹkẹvuọvo mi che nyo-o; kẹ ayen cha guọuọ ovwẹ ẹkẹvuọvo yẹ ayen cha mrẹ vwẹ-ẹ.

Ivie rẹ Ivẹ 19:12

Kẹ edjọ rẹ ẹgborho na sivwi ayen re, ẹgborho rẹ esẹ mẹ guọghọre na–Gozan, Heran, Rezef kugbe ihwo rẹ Idẹn ri Telesa?

Ivie rẹ Ivẹ 3:27

Etiyin ọ da reyọ owanran rọye ro che suẹn vwẹ ẹdia rọye, o de vwo ze izobo rẹ ẹtorhẹ vwẹ enu rẹ igbẹhẹ. Ophu de mu ihwo rẹ Izrẹl gangan.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Ukeri 22:41

Ẹdẹ rẹ ivẹ Balak da reyọ Balaam vwo kpo Bamotbaal, etiyin ọ da mrẹ ihwo na re ma kẹrẹ obọ.

Ukeri 21:28

Kidie erhanre la nẹ Hẹshbọn rhe, ogidi erhanre nẹ orere ri Sihọn rhe. Ọ da torhẹ Ar ri Moab, ri vwo igbenu ride rẹ Arnọn.

Aizaya 16:13

Ọnana ota rẹ Ọrovwohwo tare kpahe Moab rhabae rhe.