Aizaya 16:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ayen vwẹ imigodẹ phare ọko vwo rhe isun rẹ otọ na, nẹ Sela rhe, vwọ wan idjerhe rẹ aton, vwo kpo ugbenu rẹ ọmọtẹ ri Zayọn.

Aizaya 16:1 Referans Kwoze

Aizaya 10:32

Nonẹ re ọke na ọ daji vwi Nọb, ko rhurhu ọche rọye vwẹ asan ugbenu rẹ ọmọtẹ ri Zayọn, ugbenu ri Jerusalẹm.

Ivie rẹ Ivẹ 3:4

Asakiephana Mesha ovie ri Moab ochuru igegede; kukpe kukpe ọye o vwo kru igegede uriori ujori, kugbẹ ẹton rẹ oghwanran uriori ujori vwo rhe ovie rẹ Izrẹl.

Ivie rẹ Ivẹ 14:7

O hwe ihwo uriori ihwe rẹ Idọm vwẹ Iyara rẹ Ughweraka ọ da reyọ Seia vwẹ ogiribo, o de se asan na Jokitel, odẹ nana e ji se asan na rhi te ẹdẹ ri nonẹ.

2 Samuẹl 8:2

Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

Aizaya 42:11

Jẹn aton na kugbe ẹgborho re herọ kpare urhuru rayen, ẹko ri Kedar diare, jẹn ihwo re dia Sela so ine rẹ aghọghọ, jẹn ayen kperi nẹ enu rẹ igbenu na rhe.

Ezra 7:17

Vwẹ evun rẹ igho nana kẹ etiyin wo da vwẹ oma te otọ vwọ dẹ irhuẹn rẹ eshare, ughwanran, kugbe imigodẹ, vẹ eka rẹ izobo kugbe udi rayen, ku wọ vwẹ ayen ejobi ze izobo kẹ Ọghẹnẹ vwẹ enu rẹ agbada vwẹ uwevwi rọye vwi Jerusalẹm.

Maika 4:8

Ji te owẹ, E ọguan rẹ igegede na, ugbenu rẹ ọmọtẹ ri Zayọn, wẹ ọye o che bru rhe, isuesun rẹ awanre na cha rhe, uvie rẹ ọmọtẹ ri Jerusalẹm.

Izikiẹl 45:16

Ihwo rẹ otọ na ejobi ki toro izobo na kẹ osun rẹ Izrẹl na.