Aizaya 15:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 15:5 Referans Kwoze

Jerimaya 48:5

Kidie vwẹ asan eyerekpenu ri Luhit ayen yanran kpenu jẹ ayen viẹ, kidie vwẹ asan ọghwrọrọ ri Horonaim ayen de nyo edo rẹ ẹghwọrọ.

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Jerimaya 17:16

Me gba wẹ nẹ wọ vwẹ umiovwo rhe-e, eyẹ me je guọnọ ẹdẹ rẹ ẹghwọrọ-ọ, wẹ re riẹnre obo ri nẹ ẹbẹre-unu mẹ rhe e hẹ obaro wẹn.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Aizaya 22:5

Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 16:14

Ẹkẹvuọvo Asakiephana Ọrovwohwo tare nẹ, Vwẹ ikpe erha, kerẹ ikpe rẹ ohwo re durhieri, urinrin ri Moab ka cha vwọ jehwẹ, vwẹ obo rẹ ihwo rọye bu te na, imihwo re cha rhọ ke dia hahavwe guọguọ

2 Samuẹl 15:30

Etiyin Devid de yeri ugbenu rẹ Ọliv, kọ viẹ ro vwo yere kpenu na, owọ ofefe vẹ uyovwi rọye ro rhurhuru; ihwo na ejobi ri nenire kpo enu rẹ ugbenu na dohwo duyovwi rọye de rhurhu, ayen yere enu jẹ ayen viẹ.

2 Samuẹl 15:23

Ihwo rẹ orho na ejobi da viẹ gangan rẹ ayen vwọ wanvrẹn na, ovie na da rhe wanvrẹn uto ri Kidrọn, ihwo na ejobi da wanvrẹn, e garuvi obo aghwa na.

Jẹnẹsis 19:22

Jọphẹre, djẹ kpo Etiyin, kidie Me che ru emuọvo-o bẹsiẹ ru wo vwo te Etiyin. Fiki rẹ ọtiọye na e de se odẹ rẹ orere na Zoar.

Jẹnẹsis 14:2

ivie nana da kpare ofovwi bru Bera ovie ri Sodọm, Birsha ovie ri Gomora, Shinab ovie rẹ Adma, Shimeba ovie ri Zeboim, kugbe ovie ri Bẹla (kọye Zoar)

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Ukeri 21:29

Ekan kọ wẹ E Moab! Wo ghwruru, E ihwo ri Chemosh! O ru emọ rọye phihọ isoghoro O de rhe ru emetẹ rọye phihọ ighuvwu, vwọ kẹ Sihọn ovie rẹ Amọr.

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 48:3

Kerhọn oviẹ nẹ Horonaim cha, Ofefe vẹ ẹghwọrọ rọde na!

Jerimaya 50:46

Akpọ na che kpogho vwẹ edo rẹ emuo ri Babilọn, e che nyo oviẹ rọye vwẹ uherevie rẹ irere na.