Aizaya 14:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 14:29 Referans Kwoze

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 11:8

Ọmọ ro vievie kọ heha vwẹ unu rẹ ọrobiebi, ọ ro brevie nure kọ ghwa obọ kpahe unu rẹ ọvwerhotọ

2 Ikun rẹ Ivie 26:6

Ọ da yanran ra họnre ihwo ri Filistia, o de kporọ igbẹhẹ ri Gat she kugbe igbẹhẹ ri Jabneh kugbe igbẹhẹ rẹ Ashdọd; ọ da bọn irere phihọ ubrakpọ rẹ Ashdọd kugbe asan efa vwẹ otọ ri Filistia na.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Maika 7:8

Wọ ghọghọ ovwẹ-ẹ, E ọvweghrẹ mẹ. mi de she, mi ji che vrẹn; ọke mi de tidia vwẹ evun rẹ ebri, Ọrovwohwo cha dia urhukpẹ kẹ vwẹ

Ọbe rẹ Ọmraro Ọbadaya Obadaya 1:12

Ẹkẹvuọvo wo gbi rhe mudia vwẹ abọ gbanoma-a vwẹ ẹdẹ rẹ okpetu rẹ oniọvo wẹ-ẹn vwẹ ẹdẹ rẹ uyovwi emiovwo rọye-e, wa rha ghọghọ ihwo ri Juda vwẹ ẹdẹ ra vwọ guọghọ ayen na-a.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Izikiẹl 35:15

Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Isẹ 24:17

Ọke rẹ ọvweghrẹ wẹn de she wọ ghọghọ-o, wọ jẹn udu wẹn ghọghọ siẹ rọ da kpro owọ-ọ.

2 Ikun rẹ Ivie 28:18

Ihwo ri Filistia je ghwa kpare imu kpo irere re nẹ obi Shefeia kugbe Nẹgẹb ri Juda, ayen da reyọ Bẹtshemesh, Aijalọn, Gederọt, Soko vẹ ẹko rayen, Timnah vẹ ẹko rọye, kugbe Gimzo vẹ ẹko rọye; kẹ etiyin kọye ayen kua ro.

Ivie rẹ Ivẹ 18:8

O de hwe otu ri Filiastia re te Gaza vẹ ubrotọ rọye, nẹ asan ohẹrhẹ ra ro orere ra gba ogba yariẹ.

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Ukeri 21:8

Ọrovwohwo da ta kẹ Mosis, Gbe duvwu ọrọdekọ rẹ erhanre, ru wo muo vi vwẹ enu rẹ ubiurhe, rere kohwo kohwo rẹ ọ rhovworo, rọ da mrẹ kọ rhọ.

Aizaya 2:6

Kidie wo se ihwo wẹn, uwevwi ri Jekọp, kidie ayen vọnre vẹ emraro ri nẹ obọrhe rhe vẹ ẹboepha kerẹ ihwo ri Filistia ayen vẹ erhorha kere gbe mu ugbeyan.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Jerimaya 47:1

Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Izikiẹl 25:15

E nẹ Ọrovwohwo Ọghẹnẹ tare: Fikiridie ihwo ri Filistia reihri ayen da vwẹ ihri na vẹ ọnko na vwẹ udu vwọ guọghọ vwẹ eghrẹ rọ jere,

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Emọs 1:6

E nẹ Ọrovwohwo na tare. Fiki rẹ ogbeku erha ri Gaza, ji kugbe ẹne, Me gbe sa rhan unu rẹ ehwe na-a fikiridie ayen mu ihwo na ejobi kpo imu a da vwẹ ayen kpo Idọm.

Emọs 1:8

Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Zẹfanaya 2:4

Kidie a cha kua nẹ Gaza, Ashkẹlọn ko che hirhe phihọ otọ ofefe Ka djẹ ihwo rẹ Ashdọd kufia vwẹ oghẹruvo ke che ghwie Ekrọn nẹ otọ.

Zẹfanaya 2:5

Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zekaraya 9:5

Ashekelọn cha mrẹ udu ko bro, te Gaza, kọ gbune vwe evun rẹ oja; te Ekrọn fikiridie iphiẹrohọ rọye kpoghori. Ovie che ghwu nẹ Gaza, ihwo gbe cha dia Ashekelọni-i.