Aizaya 14:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọnana kọye iroro ra jẹre vwọ kpahe akpọ na ejobi; Ọnana kọye obọ rọ riẹn phia vwọ kpahe irere na ejobi.

Aizaya 14:26 Referans Kwoze

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Ẹyano 15:12

Wọ riẹn obọrhe wẹn phia, otọ na da rọ ayen.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Aizaya 23:11

Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Aizaya 25:11

Kọ hẹre abọ rọye vwẹ uherevie kerẹ ohwo ro rhẹrhẹ rọ riẹn abọ vwọ rhẹrhẹ; ẹkẹvuọvo Ọrovwohwo cha rhare eheri rọye kugbe ona re abọ rọye te otọ riẹriẹriẹ.

Zẹfanaya 2:13

Kọ riẹn obọ rọye kpahe ubrakpọ rẹ obenu na, kọ guọghọ Asiria; kọ ru Ninive phihọ ọfefe phrẹnphrẹn kerẹ atọn

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.