Aizaya 13:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 13:5 Referans Kwoze

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 50:3

Kidie orere ọvo nẹ obọrhe ọnre rhe rhe vwọ suọ, ọ ro che ru otọ rọye ofefe, ohwo ọvuọvo rha dia-a, te ihwo te eranvwe cha djẹ no.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 13:17

Nighere, me cha nẹrhẹ ihwo ri Mid vwọ so ayen, ihwo ri se idọnọ gbe emuọvo-o oma rẹ oro je vwerha aye-en.

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

2 Samuẹl 1:27

Mavọ egba ru she, rẹ ekuakua rẹ ofovwi da guọghọ kufia.

Aizaya 7:18

Vwẹ ẹdẹ yena Ọrovwohwo na kọ cha kudje kẹ uyẹn rọ hẹ obọ esiri rẹ imirho rẹ Ijipt, vwọ kẹ ọnyọn rẹ hẹ obotọ re Asiria.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 48:14

Ghwẹ oma koko, ovwan ejobi, re we nyo! Ono vwẹ usun rayen ri dje imu nana? Ọrovwohwo na guọnọ, o che ru obo ro rori na gba vwẹ oma ri Babilọn, igbabọ rọye cha riẹn kpahe ihwo ri Kaldia.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Jerimaya 50:25

Ọrovwohwo rhie uwevwi rẹ ekuakua re ofovwi rọye re, ọ da ghwẹ ekuakua rẹ ophu rọye phihọ otafe, kidie Ọrovwohwo Ọghẹnẹ rẹ otuofovwi na vwẹ iruo ro ruẹ vwẹ otọ rẹ ihwo ri Kaldia na.

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.