Aizaya 13:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kerẹ eranvwe rẹ egba ra vwọ djẹ aghwa, eyẹ kerẹ igodẹ ra mrẹ ohwo ghwẹ ayen koko-o, dohwo dihwo rọye ki che rhivwi bru ra, dohwo dotọ rọye kọ cha djẹ ra.

Aizaya 13:14 Referans Kwoze

1 Ivie 22:17

Ọ da ta, Me mrẹ Izrẹl ejobi re hrabọ nene enu rẹ ugbenu na, kerẹ igegede ri vwo osu-un; Ọrovwohwo da ta, Enana vwo onini-i; jẹn dohwo duwevwi rọye ra vwẹ ufuoma.

Jerimaya 50:16

Bru ọkekakon nu Babilọn, kugbe ohwo rọ yọnrọn arekpe vwẹ ọke rẹ orhọ na, fiki rẹ ọlọkọ rẹ ọroshenyẹ na, dohwo dihwo rọye che rhivwi bru ra, dohwo dotọ rọye cha djẹ ra.

1 Ivie 22:36

Rẹ ọnre vwo she re e de kudje se unuofovwi na, Dohwo dorere rọye da ra, dohwo dorho rọye da ra.

Jerimaya 51:9

Mane mie sivwi Babilọn, ẹkẹvuọvo esivwiro-o. Siọn, rere wo jẹn avwanre dohwo dorere rọye yanran; kidie orhiẹn rọye te odjuvwu re a kpaerọ kpo irharheghe nure.

Aizaya 47:15

Ọtiọye ihwo re ve owẹ gba wian kugbe cha dia, re ve owe gba cho eki ne ọke emọ rhe, dohwo dobene rọye gbe nene, o vwo ohwo ọvuọvo ro se sivwi uwe-e.

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Matiu 9:36

Ẹkẹvuọvo ọke rọ vwọ mrẹ otu buebu na, ẹro da dọn, fikiridie ayen da hra ke ro ẹnwan kerẹ igegede ri vwo osu-un.

Iyẹnrẹ Esiri ri Mak 6:34

Ri Jesu vwo wotọ rhe ọ da mrẹ otu buebu na, aro rẹ ayen da dọn, fikirdie ayen ke họhọ igegede ri vwo ohwo ro suẹn aye-en; o de yono ayen emu buebu.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.

Aizaya 21:15

Kidie ayen djẹ nẹ abọ rẹ oda, nẹ ọlọkọ re yoro nẹ ako, nẹ umurhabọ re siri, nẹ ogidi rẹ ofovwi.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Nahum 3:18

Isuigodẹ wẹn ra vwerhẹ, E Ovie rẹ Asiria, ehọnvwọre we re gọ ovwerhẹ. Ihwo wẹn hra nene enu rẹ igbenu o rhe vwo ohwo ro se ayen koko-o.