Aizaya 13:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 13:11 Referans Kwoze

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 5:15

Ohwo e siro wurhu, a reyọ ihwo vwo gbotọ, ẹro re ohwo umwemwu kọ dia karhiẹ.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Aizaya 14:21

Rhuẹrẹ ehwe phihọ kẹ emọ rọye fiki rẹ abe rẹ esẹ rayen, ayen da rhoma vrẹn rhe re reuku rẹ akpọ na, ayen da rhe fan irere vọn akpọ na.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

ỌBE RẸ JOB 40:12

Ni ohwo kohwo ro herẹ, ri wo vwo gbe otọ, re wo chiyi ohwo umwemwu muotọ vwẹ asan ro mudia phihọ.

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Aizaya 14:5

Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 22:14

Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 25:3

Vwẹ ọtiọye na egba rẹ ihwo ke vwẹ urinrin kẹ wẹ, irere rẹ ihwo ogbarogba ke djẹ oshọ wẹ.

Aizaya 29:5

Ẹkẹvuọvo ivwighrẹ re pha gbidi na họhọ iwurhie vworo vworo, ihwo gbidiki ri siaro na ke họhọ iphopho ri nene odju yanran. Erọẹbrẹ na, kpregede.

Aizaya 29:20

Kidie ihwo zizighi ejobi che hirhe phihọ emu diodi, otu rẹ e jehwẹ cha fọ, otu re rhẹrẹ re ivwo ru umiovwo e che bru ayen kufia,

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 48:29

Avwanre nyo umri rẹ eheri ri Moab– O heri gangan– Oma emuokpenu rọye, eheri rọye, vẹ osẹvwe rọye, vẹ ẹwan rẹ udu rọye.

Habakọk 2:4

Nighe, ohwo rẹ udu rọyẹ dia ọsoso-o chẹ she, ẹkẹvuọvo ọvwata kọ rhọ fiki rẹ esegbuyo-ta rọye.

Isẹ 11:31

Ovwata da reyọ osa rẹ iruo rọye vwẹ akpọ na, komavọ ọ dia kẹ ohwo umwemwu vẹ oruimwemwu!

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 25:5

kerẹ oheri vwẹ asan ọyaya Wo gbe edo rẹ erhorha na phihọ otọ, kerẹ oheri vwẹ oma r;e ophie rẹ enu ro biri, eriyin une rẹ ohwo ogbarogba cha fọ riei.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.