Aizaya 10:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Bunu, Ovwan emetẹ ri Gallim! Kerhọn, E Laishah! Nyo kẹ ayen E Anatọt!

Aizaya 10:30 Referans Kwoze

1 Samuẹl 25:44

Sọl da vwi Mikal ọmọtẹ rọye rọ kẹ Devid jovwo, vwọ kẹ Palti ọmọ ri Laish, rẹ ohwo ri Gallim.

Jerimaya 1:1

Eta ri Jerimaya, ọmọ ri Hilkaya, ọ rẹ irherẹn rẹ Anatot vwẹ otọ ri Bẹnjamin,

Joshua 21:18

Anatọt vẹ etọ rẹ egbri rọye, Almọn vẹ etọ rẹ egbri rọye–irere ẹne.

Jerimaya 32:8

Kọye Hanamẹl rẹ oniọvo mẹ de bru vwe rhe vwẹ obo uwodi rẹ ọguan na kirobo rẹ ota rẹ Ọrovwohwo na epha, ọ da vuẹ vwẹ nẹ, Dẹ udju mẹ rọ hẹ obo Anatọt vwẹ otọ ri Benjamin, kidie we yi fo ohwo rọ je sa tan, dẹ ke oma wẹn. Me ke ghwa riẹn nẹ ọnana ota rẹ Ọrovwohwo na.

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

Iguẹdjọ 18:29

Etiyin ayen de mu odẹ kẹ orere na nẹ Dan vwọ kpahe odẹ rẹ ọsẹ rayen rode re se Dan, ohwo re vwiẹ kẹ Izrẹl, ẹkẹvuọvo Laish ọye odẹ re ke mu kẹ orẹre na jovwo.

Iguẹdjọ 18:7

Etiyin eshare iyori na da yanran, ayen da rhe Laish, ayen da mrẹ ihwo re dia oboyi na, kirobo rẹ ẹdia rayen mudia ga te, uruemu rayen da họhọ ihwo ri Sidọn, vẹ eyere fuefu ro vwo iroro ivẹ-ẹ, ọkanrovwen herọ vwẹ evun rẹ otọ yena-a, efe ọye herọ, ayen vẹ ihwo ri Sidọn yeri kugbe-e, ayen sherabọ ke ọhwohwo.

Aizaya 10:31

Madmnah fru ugbonẹ, ihwo ri Gebim dje re si oma nu.

Nehemaya 11:32

Anatọt, Nọb, Ananaya,