Biblia Todo Logo
Bib sou entènèt

- Piblisite -




Aizaya 10:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

24 Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Gade chapit la Kopi




Aizaya 10:24
28 Referans Kwoze  

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.


Aizaya da ta kẹ ayen, Ta kẹ onini rẹ ovwan, Enẹ Ọrovwohwo tare Wọ djẹ oshọ vwi fiki rẹ eta nana ru wo nyori na-a, rẹ idibo rẹ ovie rẹ Asiria rhe vwọ bọphiẹ ovwẹ-e.


Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.


ọnana hẹ ota rẹ Ọrovwohwo ta kpahọ: Ọ jẹ wẹ fia, ọ vwẹ owẹ jehwẹ– ọmọtobẹ ri Zayọn, ọ ro kpogho uyovwi vwẹ obuko wẹ– ọmọtẹ ri Jerusalẹm.


Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.


Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.


Kọ ghwiẹ ayen kirobo ro ghwiẹ otu re ghwiẹ ayen na? Eyeẹ ke hwe ayen kirobo re hwe ayen otu ri hwe ayen?


Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.


Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.


E, Asiria, ophiaphien rẹ ophu mẹ, ọkpọ rẹ omẹdja mẹ!


Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.


Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,


Ihwo rẹ Ijipt na da vwọ tua ayen, iyesi ri Fero ejobi vẹ akpẹrẹ rọye vẹ ihwo re gua iyesi rọye vẹ otuofovwi rọye, ayen da rhe yan mu ayen rẹ ayen vwo mu erhọn vwẹ oma rẹ abadi na, vwi Pihahirọt, vwẹ obaro ri Balzefọn.


Etiyin iruiruo re ghwẹ ihwo re Izrẹl vwo ru iruo na, rẹ Fẹro vwo mu kẹ ayen na, de hwe ayen, e da nọ ayen nẹ, “Die ovwan vwo jẹ ikorekpẹn rẹ ovwan ẹ ma gba, kirobo rẹ ovwan ruẹ vwẹ ẹdọke jovwo?


re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.


Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.


Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi


rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?


Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;


Aizaya da ta kẹ ayen, Ta kẹ ọrovwovwan onini rẹ ovwan, Enẹ Ọrovwohwo na tare. Wọ vwi fiki rẹ eta nana re wo nyori na djẹ oshọ-ọ, eta rẹ idibo rẹ ovie rẹ Asiria rọ vwọ phọphọ ovwẹ na.


Swiv nou:

Piblisite


Piblisite