Aizaya 1:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Fiki re ọtiọye na Ọrovwohwo tare, Ọrovwohwo rẹ ofovwi na, Ọgba Ọvuọvo rẹ Izrẹl na E, Mi che won ophu mẹ ku ivwighrẹ mẹ, Me cha vwẹ ivwighrẹ mẹ re ihri

Aizaya 1:24 Referans Kwoze

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.

Hibru 10:13

kọ hẹrhẹ bẹsiẹ ra vwọ vwẹ ivwighrẹ rọye hwa otọ kẹ chiyi.

Izikiẹl 21:17

Ke me teye abọ mẹ, ophu ro mu vwe ejobi ko she kpotọ; mẹvwẹ Ọrovwohwo re tarọ.

Izikiẹl 16:42

Ọtiọye na ke me cha kpara ophu mẹ nu we, me gbe rioma kpahe owẹ-ẹ, ke me fọ gbiẹi, ivun gbi miovwo uwe ọfa-a.

Izikiẹl 5:13

Enẹ kọye ophu mẹ cha dia, ke me kpa ivuemiovwo ku ayen kẹ ọhọre mẹ she; kẹ ayen riẹn nẹ mẹvwẹ Ọrovwohwo na, ta ota vwẹ evun rẹ omẹriọ mẹ nure, vwẹ ọke ri mi de ku ophu mẹ ku ayen nu.

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Une rẹ Ejiro 132:2

Obo ro veri kẹ Ọrovwohwo ro de ve ive kẹ Ọgba Ọvuọvo ri Jekọp.

Urhi Rivẹ 32:43

We jiri ihwo rọye, ovwan ẹgborho na; fikiridie ọ choja rẹ ọbara rẹ idibo rọye ọ da re ihri vwẹ enu rẹ ivwighrẹ rọye ra vwọ rhuẹrẹ arhuẹrẹ kẹ otọ rẹ ihwo rọye.

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Jerimaya 9:9

Mi gbe hwe ayen vwi fiki rẹ imu nana-a, eriyin Ọrovwohwo na tare; mi gbi reihri na kẹ oma mẹ kpahe orere ọtiọnana?

Maika 5:15

Vwẹ ivuemiovwo vẹ ophu mẹ ke Me reihri vwẹ obọ rẹ ẹgborho ri jẹ ọghọ emuo.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.