Aizaya 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Nyo ota rẹ Ọrovwohwo, wẹ isun ri Sodọm! Kerhọn rẹ uyono rẹ Ọghẹnẹ rẹ avwanre we ihwo ri Gomora!

Aizaya 1:10 Referans Kwoze

Ẹvwọphia 11:8

irivwi rayen ke cha riẹn nene urhuvwu rẹ orere rode na ra vwẹ itẹ se nẹ Sodọm kugbe Ijipt, asan ra da kanre Ọrovwohwo mu agbagba.

Izikiẹl 16:49

Nighe, Ọnana abe rẹ oniọvo wẹn rẹ ọmọtẹ Sodọm: te ọye vẹ emetẹ rọye muẹ oma kpenu, ayen vwo emuọre buebu, akpọ yovwẹ ayen, ẹkẹvuọvo yẹ ayen cha ivwiogbere rẹ akpọ bẹn uko-o.

Emọs 9:7

Ọ dianẹ wọ họhọ ihwo rẹ Etiopia kẹ vwẹ? E ihwo rẹ Izrẹl? eriyin Ọrovwohwo na tare, Ọ dia omẹvwẹ ri si Izrẹl nẹ otọ rẹ Ijipt rhe, vẹ ihwo ri Filistia nẹ Kaftọ rhe vẹ Siria nẹ Kir rhe?

Izikiẹl 16:46

Oniọvo wẹn rẹ ọmọtẹ ki Sameria, rọ vẹ emetẹ rọye dia ọbohwẹre-ọnre wẹn na, oniọvo wẹn rẹ ọmọtẹ rẹ otete rọ dia obọrhe ọnre wẹn, ọye Sodọm vẹ emetẹ rọye.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Urhi Rivẹ 32:32

Kidie vain rayen nẹ vain ri Sodọm rhe, o ji nẹ aghwa ri Gomora rhe; otie rayen otie rọ vwo obi, ẹrhẹghẹ rayen yara.

Ọbe ri Pọl si rhe Ihwo ri Rom 9:29

Kirobo rẹ Aizaya je mraro, Ọ dianẹ Ọrovwohwo rẹ otuofovwi jẹ emo ẹ vwọ kẹ avwanre vwo-o, avwanre ka dia kerẹ Sodọm ke ru avwanre họhọ Gomora.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Aizaya 28:14

Vwẹ ọtiọye na we nyo ota rẹ Ọrovwohwo na, ovwan ejehwẹ na, ri sun ihwo nana vwi Jerusalẹm!

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Izikiẹl 13:2

Ọmọ rẹ ohwo, mraro kpahe emraro rẹ Izrẹl, mraro rere wọ ta kẹ otu re de vwẹ udu rẹ obọ rayen mraro. Nyo ota rẹ Ọrovwohwo na!

Maika 3:1

Me da ta: Nyo, igbuyovwi ri Jekọp kugbe isun rẹ uwevwi rẹ Izrẹl O ji te ọke rẹ ovwan vwọ riẹn ọsoso-o?

Izikiẹl 16:35

Ọtiọye na, E igberadja na, nyo ota rẹ Ọrovwohwo na.