Aghwoghwo 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Me mrẹ emu ejobi re ruẹ vwẹ otọ rẹ ọnre na nure, nighere, emu na ejobi odiodi kugbe odju re nene họnra.

Aghwoghwo 1:14 Referans Kwoze

Aghwoghwo 2:11

Etiyin mi de rhi roro emu ejobi re me vwẹ abọ mẹ ru kugbe owian re me ghwọrọ ọke mẹ phihọ, nighe, ayen ejobi odju mi nene họnra, emu ọvuọvo vwẹ erere vwẹ otọ rẹ ọnre na-a.

Aghwoghwo 2:26

Kidie ohwo rẹ ivun rọye vwerhẹ Ọghẹnẹ ọye ọ vwẹ ẹghwanre vẹ erianriẹn kugbe aghọghọ kẹ; ẹkẹvuọvo Ọghẹnẹ reyọ okọn rẹ owian rẹ oruimwemwu ejobi, vwọ kẹ ohwo rẹ ivun rọye vwerherọ. Ọnana dede na je hẹ odiodi vẹ odju re nene họnra.

Aghwoghwo 2:17

Ọtiọye na akpọ na de tu vwe oma, fikiridie obo re ruẹ vwẹ otọ rẹ ọnre na miovwo uvwe ivun; ọnana ejobi na odiodi kugbe odju re nene họnra.

Aghwoghwo 6:9

Orẹmrẹ rẹ ẹro yovwi nọ iroro ro titighi; ọnana je hẹ odiodi vẹ odju re nene họnra.

Aghwoghwo 4:4

Etiyin me da mrẹ nẹ owian vẹ ona vwẹ iruo, omẹriọ ra ria kpahe ọrivẹ rẹ ohwo o nẹcha. Ọnana rhe je hẹ odiodi kugbe odju re nene họnra.

Aghwoghwo 4:16

o vwo oba kẹ ihwo na ejobi-i; ọ hẹ enu rayen ejobi nure. Yẹ otu re rhere vwẹ ukuko na mrẹ aghọghọ vwẹ oma rọye-e. Uyota ọnana rhe je hẹ odiodi kugbe odju re nene họnra.

Aghwoghwo 8:16

Ọke me vwọ vwẹ udu mẹ kẹ ẹriẹn rẹ aghwanre, re me rhe vwọ mrẹ iruo re ruru vwẹ otọ rẹ ọnre na, nẹ vwẹ ason eyẹ uvo ohwo sa vwerhẹ-ẹ;

Aghwoghwo 3:19

Kidie emu rọ phia kẹ emọ rẹ ihwo rẹ akpọ ọye je phia kẹ eranvwe; tiobo rẹ ọvo ghwẹ, ọtiọye ọrivẹ ji ghwẹ rhe. Ayen ejobi na ẹnwẹn ọvuọvo ayen nwẹn, ohwo rẹ akpọ na yovwi nọ eranvwe-e; enana ejobi na odiodi iruẹ.

Aghwoghwo 4:6

Oyovwi kẹ obọ ọvo rọ vọnre vẹ ufuoma nọ abọ ivẹ re vọnre vẹ owian vẹ odju re nene họnra.

Aghwoghwo 12:8

Odiodi rẹ idiodi, ọye Aghwoghwo na tare; ayen ejobi odiodi.